សមាជិក​មូលនិធិ​ទ្រទ្រង់​ស៊ីក្លូ នឹង​ទទួលបាន​អត្ថប្រយោជន៍​ពីរ​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 13 January, 2018

​ភ្នំពេញ ៖ អ្នកធាក់ស៊ីក្លូ នឹង​ទទួលបាន​អត្ថប្រយោជន៍​ចំនួន​២ ពី​ការចូល​ជា​សមាជិក​នៃ​មូលនិធិ​ទ្រទ្រង់​ស៊ីក្លូ ដែល​នឹង​ចាប់ផ្ដើម​អនុវត្ត​ពីថ្ងៃ​ទី​១៣ ខែមករា ឆ្នាំ​២០១៨ នេះ​តទៅ​។ អត្ថប្រយោជន៍​ទាំងពីរ​រួមមាន​៖
​ទី​១- ចូលទៅ​ក្រោម​មូលនិធិ​សមធម៌ ដើម្បី​ទទួលបាន​ការពិនិត្យ​ព្យាបាល​ដោយ​ឥតគិតថ្លៃ​នៅតាម​មន្ទីរពេទ្យ​រដ្ឋ​ទាំងអស់​។​
​ទី​២- ទទួលបាន​ប្រាក់​ប្រចាំថ្ងៃ​ចំនួន ៧០០០​រៀល (២០០០​រៀល សម្ដេច ហ៊ុន សែន បាន​បន្ថែមថា ចំពោះ​ថ្ងៃ​បើក​ថវិកា​ពី​មូលនិធិ គឺ​យក​ថ្ងៃទី​១០ ថ្ងៃ​២០ និង​ថ្ងៃទី​៣០ នៃ​ខែ​និ​មួយៗ​។​
​នេះ​បើតាម​ការ​ថ្លែង​បញ្ជាក់​របស់​សម្ដេច ហ៊ុន សែន នៅ​ព្រឹក​ថ្ងៃទី​១៣ ខែមករា ឆ្នាំ​២០១៨​នេះ ក្នុងឱកាស​សំណេះសំណាល និង​ពិសា​របាយ​ជាមួយ​អ្នកធាក់ស៊ីក្លូ នៅ​មជ្ឈមណ្ឌល​ពិព័រណ៍​កោះ​ពេជ្រ​។​
​សម្តេច ហ៊ុន សែន ក៏បាន​ស្នើ​ឲ្យ​ពិចារណា​លើ​គម្រោង​បង្កើត​សម្លៀកបំពាក់​ផ្ទាល់ខ្លួន​របស់​មូលនិធិ​សម្រាប់​អ្នកធាក់ស៊ីក្លូ ដើម្បី​សម្គាល់​ជា​សមាជិក​មូលនិធិ​អ្នកធាក់ស៊ីក្លូ និង​ដើម្បី​បម្រើ​ដល់​វិស័យ​ទេសចរណ៍ និង​ដឹកជញ្ជូន​របស់​កម្ពុជា​៕
​សម្ដេចនាយក​រដ្ឋមន្ត្រី បាន​ក្រើន​រំឭកថា អ្នកធាក់ស៊ីក្លូ​ដែលមាន​បំណង​ចូល​ជា​សមាជិក​មូលនិធិ​ទ្រ​ទ្រ​ង​ស៊ីក្លូ ត្រូវធ្វើ​ពាក្យស្នើសុំ ប័ណ្ណសមាជិក​ដែល​ត្រូវបាន​ចុះបញ្ជី​របប​សន្តិសុខ​សង្គម​នៃ​ក្រសួង​ការងារ និង​បណ្ដុះបណ្ដាល​វិជ្ជាជីវៈ ហើយ​មិនមាន​ការបង្ខិតបង្ខំ​ឡើយ​៕​