រដ្ឋសភាអនុម័តសេចក្តីព្រាងច្បាប់ស្តីពីកិច្ចព្រមព្រៀង
ពាណិជ្ជកម្មសេវាកម្មរវាងអាស៊ាន-ឥណ្ឌាភ្នំពេញ ៖ នៅព្រឹកថ្ងៃចន្ទទី១៥ ខែមករា ឆ្នាំ២០១៨ នេះសម័យប្រជុំរដ្ឋសភាលើកទី៩ នីតិកាលទី៥ ក្រោមអធិបតីភាពសម្តេចអគ្គមហាពញាចក្រី ហេង សំរិន ប្រធានរដ្ឋសភា ដែលមានសមាជិកសមាជិកាចូលរួមប្រជុំចំនួន ១១៣រូបបានពិភាក្សា និងអនុម័តសេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀងពាណិជ្ជកម្មសេវាកម្មក្រោមកិច្ចព្រមព្រៀងក្របខ័ណ្ឌស្តីពីកិច្ចសហប្រតិបត្តិការសេដ្ឋកិច្ចគ្រប់ជ្រុងជ្រោយរវាងសមាគមប្រជាជាតិអាស៊ី អាគ្នេយ៍ ដែលហៅ កាត់ថា អាស៊ាន និងសាធារណរដ្ឋឥណ្ឌា។
លោក ប៉ាន សូរស័ក្ត រដ្ឋមន្ត្រីក្រសួងពាណិជ្ជកម្មដែលអញ្ជើញការពារសេចក្តីព្រាង ច្បាប់នេះមានប្រសាសន៍គូសបញ្ជាក់ថា៖ កិច្ចព្រមព្រៀងនេះនឹងធ្វើអោយប្រសើរឡើងនូវ ប្រសិទ្ធភាពរវាងអាស៊ាន និងឥណ្ឌាក្នុងការប្រកួតប្រជែង ព្រមទាំងការធ្វើពិពិធកម្ម និងសេវា កម្មនៅក្នុងតំបន់អាស៊ាន និងឥណ្ឌា។
សូមជម្រាបជូនថា៖ សេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀងពាណិជ្ជកម្មសេវាកម្មក្រោមកិច្ចព្រមព្រៀងក្របខ័ណ្ឌស្តីពីកិច្ចសហប្រតិបត្តិការសេដ្ឋកិច្ចគ្រប់ជ្រុងជ្រោយរវាងសមាគមប្រជាជាតិអាស៊ី អាគ្នេយ៍ ដែលហៅកាត់ថា អាស៊ាន និងសាធារណ រដ្ឋឥណ្ឌានេះមាន ២ផ្នែក និង៣៤មាត្រា៕
