ភ្នំពេញ៖លោក ហ៊ី ណារិន អតីតអធិការ នគរបាលខណ្ឌមានជ័យ ត្រូវអនុរក្សពន្ឋនាគារនាំមកសាលាដំបូងរាជធានីភ្នំពេញ នៅព្រឹកថ្ងៃទី២៥ ខែមីនា ឆ្នាំ២០១៥នេះ ដើម្បីបើកសវនាការលើអង្គសេចក្តីពាក់ព័ន្ឋនឹងអំពើពុករលួយកិបកេងលុយជាង២៧០០លានរៀល។
គួររំលឹកថា លោក ហ៊ី ណារិន ត្រូវបានអង្គភាពប្រឆាំងអំពើពុករលួយ ឃាត់ខ្លួនកាលពីថ្ងៃទី៣០ខែកញ្ញា ឆ្នាំ២០១៤ ពាក់ព័ន្ធទៅនឹងការប្រព្រឹត្ដបទល្មើស៨ចំណុចដែលអង្គភាពប្រឆាំង អំពើពុករលួយរកឃើញ ក្រោយពីមានការស៊ើបអង្កេតអស់រយៈពេល៨ខែនិង ការប្រមូលព័ត៌មាននានាជុំវិញការប្រព្រឹត្ដរបស់អតីតអធិការនគរបាល ខណ្ឌមានជ័យរូបនេះ។
តុលាការបានចោទប្រកាន់លោក ហ៊ី ណារិន ពីបទវីតិក្រម និងបទការកេងយកប្រយោជន៍ផ្ទាល់ខ្លួន។
សាក្សីក្នុងរឿងក្ដីនេះជាមន្ត្រីនគរបាលក្នុងខណ្ឌមានជ័យ និងខណ្ឌច្បារអំពៅ។ លោកមេធាវី ណាច ទ្រី ជាមេធាវីកាពារអោយលោក ហ៊ី ណារិន៕
