នាវា​ទេ​ចរណ៍ SAPPHIRE PRINCESS នាំ​ភ្ញៀវ​ចំនួន​២៦៥៨​នាក់ ចូល​ចត​កម្សាន្ត​ក្រុងព្រះសីហនុ​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 5 February, 2018 ក+ ក-

​ខេត្ត​ព្រះសីហនុ ៖ លោក​វរសេនីយ៍ឯក កៅ សារា​ណា នាយ​ប៉ុ​ស្ត៍​ច្រកទ្វារ​កំពង់ផែ​អន្តរជាតិ​ក្រុងព្រះសីហនុ បានឱ្យដឹងថា នៅ​ព្រឹក​ថ្ងៃទី​៤​ខែកុម្ភៈ ឆ្នាំ​២០១៨ នាវា​ទេសចរណ៍ ឈ្មោះ​SAPPHIRE PRINCESS បាន​នាំ​ភ្ញៀវទេសចរ​បរទេស​ចម្រុះ​ជាតិ​សាសន៍​ចំនួន ២៦៥៨​នាក់ ចូល​ចត​នៅ​កំពង់ផែ​ក្រុងព្រះសីហនុ ដោយ​សុវត្ថិភាព ក្នុង​ដំណើ​ធ្វើ​ទស្សនកិច្ច​នៅ​ព្រះរាជា​ណា ចក្រ​កម្ពុជា រយៈពេល​មួយថ្ងៃ មុននឹង​ចាកចេញ​ពី​កម្ពុជា​ឆ្ពោះទៅកាន់​ប្រទេស​ថៃ ។​

​នាវា ឈ្មោះ SAPPHIRE PRINCESS មាន​សញ្ជាតិ​BARMUDA
​មាន​បណ្តោយ ២៨៨​ម៉ែត្រ ទទឹង ៣៦​ម៉ែត្រ ជម្រៅ​ទឹក ៨,៣​ម៉ែត្រ នាំ​ភ្ញៀវទេសចរ​ចម្រុះ​ជាតិ​សាសន៍​ចំនួន​២៦៥៨​នាក់ ធ្វើ​ទស្សនកិច្ច​នៅ​ព្រះរាជាណាចក្រ​កម្ពុជា រយៈពេល​មួយថ្ងៃ ភ្ញៀវទេសចរ​សរុប​ចំនួន ២៦៥៨ នាក់ នេះ មាន ស្រី ចំនួន ១៤៣២ នាក់ មាន ៤០ សញ្ជាតិ និង​មាន​នាវិក​ចំនួន ១០៧៩ នាក់ ស្រី ២២៥​នាក់ មាន ៥២​សញ្ជាតិ ។​

​នាវា SAPPHIRE PRINCESS នាំ​ភ្ញៀវទេសចរ​បរទេស​ចម្រុះ​ជាតិ​សាសន៍ ចាក​ចេញពី​កំពង់ផែ​ប្រទេស​ថៃ ចូល​ចត​នៅ​កំពង់ផែ​អន្តជាតិ​ក្រុងព្រះសីហនុ កាលពី​វេលា​ម៉ោង ៦​និង​៣០​នាទី ព្រឹក ថ្ងៃទី​៤ ខែកុម្ភៈ ឆ្នាំ​២០១៨ នាវា SAPPHIRE PRINCESS មាន​គម្រោង​នឹង​នាំ​ភ្ញៀវទេសចរ​ចាកចេញ​ពី​កំពង់ ផែ​អន្តរជាតិ​ក្រុងព្រះសីហនុ នៅវេលា​ម៉ោង ១៦​ៈ​០០​នាទី ល្ងាច​ថ្ងៃ​ដដែល ឆ្ពោះទៅកាន់​ប្រទេស​ថៃ ។​

ភ្ញៀវទេសចរ​ធ្វើដំណើរ​តាម​នាវា SAPPHIRE PRINCESS ភ្ញៀវ​ដែលមាន​សញ្ជាតិ​ច្រើនជាងគេ មានដូចជា ជនជាតិ អង់គ្លេស មាន​ចំនួន ៩៩៩ នាក់ ជនជាតិ អូស្ត្រាលី ៥៣៨​នាក់ និង ជនជាតិ អា​មេ​រិច ៥២៣​នាក់ ក្រៅពីនោះ​មាន​ភ្ញៀវទេសចរ​សញ្ជាតិ​ផ្សេងៗ​ទៀត ៕