ប្តីប្រពន្
កំពង់ចាម ៖ បុរសម្នាក់ ត្រូវអ្នកដំណើរក្នុងរថយន្តក្រុងចាប់វាយយ៉ាងដំណំ បន្ទាបពីរូបគាត់បានទាញកាច់ចង្កូតរថយន្តក្រុង អោយទ្បើងលើទ្រូងផ្លូវព្រោះមានកំហឹងឈ្លោះជាមួយប្រពន្ធ បង្ករអោយមានការភយ័រន្ធត់កាលពីថ្ងៃទី 04 ខែកុម្ភៈឆ្នាំ 2018 វេលាម៉ោង 9. 30នាទីនៅលើផ្លូវជាតិ លេខ6 ចំណុចបង្គោលគីឡូម៉ែតលេខ 70ភូមិរវៀង ឃុំខ្នុរដំបង ស្រុកជើងព្រៃ ខេត្តកំពង់ចាម។ លោក ប្រាក់ សុគុណ អធិការនគរបាល ស្រុកជើងព្រៃ បានអោយដឹងថា មុនកើតហេតុ មានរថយន្តក្រុង 1 គ្រឿងម៉ាកហ៊ិន ដាយ ពាក់ស្លាកលេខភ្នំពេញ 3A. 1863 បើកបរដោយឈ្មោះភុំ.ណាក់ភេទប្រុសអាយុ 25 ឆ្នាំទីលំនៅភូមិចុងដូង ឃុំចុងដូង ស្រុកបារាយណ៏ ខេត្តកំពង់ធំ ដឹកអ្នកដំណើរពីភ្នំពេញឆ្ពោះទៅសៀមរាប។
ពេលមកដល់កន្លែងកើតហេតុ រថយន្តនេះស្រាប់តែឡើងនៅលើសួនកណ្ដាលទ្រូងផ្លូវ។
តាមការបំភ្លឺរបស់អ្នកដំណើរនៅលើរថយន្ត បានអោយដឹងថា មានអ្នកជិះលើរថយន្ត ឈ្មោះសំ សុជាន ភេទប្រុសអាយុ 30 ឆ្នាំទីលំនៅភូមិគោកចាន់ ឃុំតាសោម ស្រុកអង្គរជុំ ខេត្តសៀមរាបនិងប្រពន្ធឈ្មោះតឹប.នីនអាយុ 29ឆ្នាំ បានឈ្លោះប្រកែកគ្នានៅលើរថយន្តហើយស្រាប់តែបុរសជាប្តីបានទាញចង្កូតរថយន្តបណ្តាលអោយឡើងលើទ្រូងផ្លូវតែម្តង តែសំណាងល្អ អ្នកបើកបរ រថយន្ត មានស្មារតី ហ្នឹងនរបានជាន់ហ្វ្រាំងទាន់ពេលវេលា ទើបរថយន្តមិនក្រទ្បាប់។
ពេលនោះអ្នកធ្វើដំណើរនៅក្នុងរថយន្តបានចាប់ឈ្មោះជាម.ជានចងនិងវាយបណ្តាលឲ្យមានរបួសស្នាមតែម្តង។
លោកអធិការបានបន្តថា ករណីនេះបណ្ដាលឲ្យ
__ខូចរថយន្ត 1គ្រឿងលក្ខណៈស្រាល
_ខូចស្មៅលំអនៅលើទ្រូងផ្លូវមួយចំនួន
_របួសមនុស្ស1 នាក់ឈ្មោះជាម.ជានជាជនបង្ករទាញចង្កូតរថយន្តហើយបានបញ្ជូនទៅព្យាបាលនៅមន្ទីរពេទ្យស្រុកជើងព្រៃ។
លោកអធិការបានបញ្ជាក់ថា វត្ថុតាងរថយន្ត 01 គ្រឿងបានយកទៅរក្សាទុកនៅអធិការដ្ឋានគរបាលស្រុកជើងព្រៃនិងបានឃាត់ខ្លួនជនបង្ករ ឈ្មោះ សំ សុជាន នៅអធិការដ្ឋាននគរបាលស្រុក
កសាងសំណុំរឿងតាមនិតិវិធី ពីបទល្មើសបង្ករអោយមានការបំផ្លិចបំផ្លាញទ្រព្យសម្បត្តិអ្នកដ៏ទៃ។
ជនសង្ស័យបានធ្វើតេស្តិគឺមានសារជាតិញៀនក្នុងខ្លួនពេញ និង សុំប្រគល់រថយន្តជូនជនរងគ្រោះយកទៅជួលជុលប្រើប្រាស់វិញ៕
