ឧត្តថមានជ័យ ៖ បុរសម្នាក់បានស្លាប់នៅនឹងកន្លែងកើតហេតុ ដោយសារតែដើមឈើដួលរលំសង្កត់កាលពីវេលាម៉ោង ៩ និង៣០នាទីព្រឹកថ្ងៃទី១២ ខែមីនា ឆ្នាំ២០១៨ ស្ថិតនៅភូមិត្រពាំងធំ ឃំុលំទង ស្រុកអន្លង់វែង ខេត្តឧត្តរមានជ័យ។
ជនរងគ្រោះឈ្មោះ ស៊ីម ផ្លោក ភេទប្រុស អាយុ២៦ឆ្នាំ មុខរបរដឹកត្រីលក់ ហើយមានទីលំនៅភូមិអណ្ដូងចាន់ ឃុំស្រែណូយ ស្រុកវ៉ារិន ខេត្តសៀមរាប។
សមត្ថកិច្ចបានអោយដឹងថា ជនរងគ្រោះបានស្លាប់ដោយសារតែដើមឈើសង្គត់ពិតមែន ហើយក៏មិនមានជារឿងឃាតកម្មដែរ។ យោងតាមការត្រួតពិនិត្យនៅកន្លែងហេតុ ដែលទម្លាប់ជនរងគ្រោះ តែងតែដឹកត្រីទៅលក់នៅតាមភូមិ ឬតាមចំការរបស់អ្នកភូមិ ហើយខណៈដែលជនរងគ្រោះ កំពុងជិះម៉ូតូដឹកត្រីលក់ មកដល់កន្លែងកើតហេតុ ក៏ត្រូវដើមឈើដែលភ្លើងឆេះដាច់គល់រលំផ្លូវសង្កត់លើ បណ្តាលឲ្យស្លាប់ភ្លាមៗនៅកន្លែងកើតហេតុ៕
