ភ្នំពេញ ៖ ជំនួបជាប្រវត្តិសាស្ត្ររវាងមេដឹកនាំប្រទេសកូរ៉េទាំងពីរនៅព្រឹក ថ្ងៃទី២៧ ខែមេសា ឆ្នាំ២០១៨ បានធ្វើឲ្យពិភពលោកមានកភ្ញាក់ផ្អើល និងកត់សម្គាល់យ៉ាង ខ្លាំង។ គ្រប់បណ្តាញព័ត៌មាននៅជុំវិញពិភពលោក សុទ្ធតែតាមប្រមាញ់ព័ត៌មាន នៃជំនួបនេះយា់ង យកចិត្តទុកដាក់។
ចំណែកនៅម្ពុជា តាមរយៈសារអេឡិចត្រូនិក កាលពីព្រឹកថ្ងៃទី២៩ ខែមេសា នេះ រដ្ឋមន្ត្រីក្រសួងព័ត៌មាននៃកម្ពុជា លោក ខៀវ កាញារីទ្ធ បានធ្វើការស្រង់ សម្តីដែលលោកបញ្ជាក់ថាជាពាក្យពេចន៍ដំបូងជាប្រវត្តិសាស្ត្រនៃការសន្ទនារវាងលោក គីម ជុងអ៊ុន មេដឹក នាំកូរ៉េខាងជើង ជាមួយលោក មូន ជែអ៊ិន មេដឹកនាំកូរ៉េខាងត្បូង កាលពីថ្ងៃសុក្រ ទី២៧ ខែមេសា ឆ្នាំ២០១៨ នេះ។
ក្នុងសំណេររបស់លោក ខៀវ កាញារីទ្ធ បានសរសេរ ថាកិច្ចសន្ទនាដំបូងបង្អស់ រវាងប្រធានាធិបតីកូរ៉េទាំងពីរនៅតំបន់គ្មានកងទ័ព លើទឹកដីកូរ៉េខាងត្បូង ៖
លោកមូនជែអ៊ិន ៖ លោកបានមកដល់ភាគខាងត្បូងហើយមិនដឹងអង្កាល់ខ្ញុំបានទៅភាគខាងជើងវិញម្តង ?
លោក គីមជុងអ៊ុន ៖ ទៅអីលូវនេះតែម្តងទៅ ក៏បានដែរ ។
មួនជែអ៊ិន ៖ លោកមកតាមណាណឹង ?
គីមជុងអ៊ុន ៖ ខ្ញុំមកតាមឡានកាត់តាម Kaesong តាំងពីព្រឹកព្រលឹមមិញនេះ។លោកប្រហែលចេញ មកពីព្រលឹមដែរហើយ ។
មូនជែអ៊ិ ៖ ខ្ញុំជិះតែមួយម៉ោងទេ ព្រោះចំងាយផ្លូវតែ ៥២ គីឡូម៉ែត្រណឹង ។
បន្តមកទៀត នៅពេលនិយាយពីរឿងអាវុធនុយក្លេអ៊ែរ ។
គីមជុងអ៊ុន ៖ គេប្រាប់ខ្ញុំថាលោកគេងមិនសូវបានស្កប់ទេ ហើយលោកត្រូវងើបពីព្រលឹមៗទៀតដើម្បី ចូលរួមប្រជុំជាមួយក្រុមប្រឹក្សាសន្តិសុខជាតិទាក់ទិននឹងពួកយើង ។អញ្ចឹងលោកពិតជាធ្លាប់ ងើបពីព្រលឹមៗណាស់ ។
លោក មូនជែអ៊ិនៈ អីលូវនេះ ខ្ញុំនឹងគេងបានស្កប់ហើយព្រោះលោកបានសន្យាជាមួយប្រេសិត ពិសេសរបស់យើងដែលបានទៅភាគខាងជើងនោះ ។
គីមជុងអ៊ុន ៖ ខ្ញុំនឹងចាត់ចែងធ្វើយ៉ាងណាឲ្យលោកបានសម្រាន្តស្កប់ស្កល់។
គួររំលឹកថា មេដឹកនាំកូរ៉េខាងជើងលោក គីម ជុងអ៊ុន និង ប្រធានាធិបតីកូរ៉េខាងត្បូង លោក មូន ជែអ៊ីន បានជួបពិភាក្សាគ្នា “ដោយស្មោះត្រង់ និង ម៉ឺងម៉ាត់” ១០០ នាទី ស្តីពីការលុបបំបាត់អាវុធនុយក្លេអ៊ែរ និងការបង្កើតសន្តិភាពអចិន្ត្រៃយ៍នៅឧបទ្វីបកូរ៉េ ក្នុងកិច្ចប្រជុំលើកដំបូងរបស់ខ្លួននៅថ្ងៃសុក្រទី ២៧ មេសា ដោយបានរៀបចំធ្វើពង្រាងនៃកិច្ចព្រមព្រៀងរួមជាផ្លូវការ៕
