លោក ឌូ​ទឺ​តេ ពិចារណា​ការ​ឈរឈ្មោះ​អភិបាលក្រុង​ជាថ្មី​ម្តងទៀត ក្រោយ​ចប់​អាណត្តិ​ប្រធានាធិបតី​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 28 May, 2018 ក+ ក-

​ហ្វីលីពីន ៖ ប្រធានាធិបតី​ហ្វីលីពីន លោក រ៉ូ​ទ្រី​ហ្គោ​ឌូ​ទឺ​តេ កំពុងមាន​ផែនការ ឈរឈ្មោះ​អភិ បាល ក្រុង ជាថ្មី​ម្តងទៀត​នៅពេល​អណ​ត្តិ​ប្រធានាធិបតី​រយៈពេល​៦​ឆ្នាំ​របស់លោក​បញ្ចប់ ក្នុង​ឆ្នាំ​២០២២​។ លោក​ឌូ​ទឺ​តេ មាន​អាយុ​៧៣​ឆ្នាំ អតីត​ជា​អភិបាលក្រុង​ដា​វ៉ៅ ជា​ស្រុក កំណើត​របស់លោក នៅ​ប្រទេស​ហ្វីលីពីន ភាគខាងត្បូង រយៈពេល​២៣​ឆ្នាំ មុនពេល​ឈរ ឈ្មោះ​ជា ប្រធានាធិបតី ក្នុង​ឆ្នាំ​២០១៦​។ ក្នុង​រយៈពេល​២​ឆ្នាំ​នៃ​ការឡើង​កាន់តំណែង លោក ឌូ​ទឺ​តេ នៅ​មិនទាន់​គិត​អំពើ ការចូលនិវត្តន៍​នៅឡើយ​។ នៅក្នុង​ពិធី​សម្ពោធ​ស្ពាន មួយ​ក្នុង​ទីក្រុង​ដា​វ៉ៅ លោក​បានលើកឡើង ពី​លទ្ធភាព​នៃ​ការបំរើ​ការងារ​ជា​អភិបាល ក្រុង​ក្នុង ស្រុកកំណើត​របស់លោក ដោយ​លោក​បាន​និយាយថា ប្រសិនបើ​លោក មិនមាន ការងារ​ណាមួយ​នោះទេ លោក​និង​ឈរឈ្មោះ​ជា​អភិបាលក្រុង​ជាថ្មី​ម្តងទៀត​។​

លោក បានបញ្ជាក់ ថា លោក​ជិត​មកដល់​ចុងបញ្ចប់​នៃ​ផ្លូវ ដូច្នេះ​លោក ថ្លែងអំណរគុណ​សំរាប់ ការគាំទ្រ​លោក ជួយ​លោក ហើយ​ប្រជាជន​ភាគច្រើន​ចំ​បំផុត​គឺជា​អ្នកគាំទ្រ​របស់លោក​។ លោក​ឌូ​ទឺ​តេ ជា ប្រធានាធិបតី​ដំបូង ដែលមាន​ការ​សាទរ​ពី​កោះ​មីន​ដា​ណាវ នៅ​ប្រទេស ហ្វីលីពីន ភាគខាងត្បូង​។ លោក​ឌូ​ទឺ​តេ បាន​កាន់តំណែង​ជា​អភិបាលក្រុង​ដា​វ៉ៅ​ក្នុង​ឆ្នាំ ១៩៨៨ ហើយ​ត្រូវបាន​ជាប់ឆ្នោត​សាជាថ្មី​៦​លើក បន្ទាប់ពី​មាន​កេ​រ្ត៏​ឈ្មោះ​សំរាប់​ការ​រឹត បន្តឹង លើ​ឧក្រិដ្ឋកម្ម​។ លោក​ឌូ​ទឺ​តេ បានឈ្នះ​តំណែង ប្រធានាធិបតី ក្នុងការ​បោះឆ្នោត​ឆ្នាំ ២០១៦ ហើយ​បច្ចុប្បន្ននេះ កូនស្រី​របស់លោក លោកស្រី សា​រ៉ា​ឌូ​ទឺ​តេ ខា​ពី​យ៉ូ គឺជា​អភិ បាល​ក្រុង​ដា​វ៉ៅ​។ អតីត​ប្រធានាធិបតី លោក គ្លរ​រី​យ៉ា អា​រ៉ូ​យ៉ូ បាន​ឈរឈ្មោះ​នៅក្នុង​សភា តំណាងរាស្ត្រ នៅពេល​អណ​ត្តិ​ប្រធានាធិបតី​របស់លោក បានបញ្ចប់ ក្នុង​ឆ្នាំ​២០១០៕