ម៉ាឡេស៊ី ៖ សមាជិកក្រុមគ្រួសារដែលបានបាត់បង់អ្នកជាទីស្រលាញ់របស់ពួកគេ ខណៈដែល ជើងហោះហើរ MH370 របស់ក្រុមហ៊ុនអាកាសចរណ៏ម៉ាឡេស៊ី បានបាត់ដានដោយអាថ កំបាំង ក្នុងឆ្នាំ២០១៤ ដែលរហូតមកដល់ពេលនេះ វាមានរយៈពេល៤ឆ្នាំ ខណៈដែល ការស្វែងរកនៅមហាសមុទ្រឥណ្ឌាភាគខាងត្បូងបានបញ្ចប់ សំរាប់ប្រតិបត្តិការណ៏ លើកទី២។ សេចក្តីថ្លែងការណ៏ពីក្រុមហ៊ុន បានឲ្យដឹងថា ការស្វែងរកជាលក្ខណៈឯកជន ដោយក្រុមហ៊ុនសហរដ្ឋអាមេរិក អសិន អ៊ីនហ្វីនីធី Ocean Infinity បានបញ្ចប់ការស្វែងរក លើផ្ទៃដី ១១២០០០ គីឡូម៉ែត្រការ៉េ ប្រើរយៈពេលជាង៣ខែ។
ខណៈដែលការស្វែងរក មិនទទួលបានលទ្ធផល បានបញ្ចប់ លោកស្រី ក្រាសណាថាន ជាម្តាយជនរងគ្រោះ ជិះ លើយន្តហោះដែលបាត់ដាន បានចោទសួរថាតើការស្វែងរកនេះ បានធ្វើឡើងក្នុងទីតាំង ត្រូវដែរឬទេ ខណៈ លោកស្រីបានជម្រុញឲ្យរដ្ឋាភិបាលម៉ាឡេស៊ី ពិនិត្យពិច័យឲ្យបាន ម៉ត់ចត់ពីព្រឹត្តិការណ៏ មុនពេលបញ្ចប់ការស្វែងរក។
រដ្ឋាភិបាលបាលម៉ាឡេស៊ី និយាយថា និងចេញផ្សាយ របាយការណ៏ពេញលេញស្តីពីការស៊ើបអង្កេតលើការបាត់ដានជើង ហោះហើរ MH370 ដែលជាអាថកំបាំងផ្នែកអាកាសចរណ៏ធំបំផុត មកដល់ពេលនេះ បន្ទាប់ពីការស្វែងរកតាមសមុទ្រ បានបញ្ចប់។
គួរំលឹកថា ជើងហោះហើរ MH370 កំពុង ដឹក អ្នកដំណើរ ២៣៩នាក់ បានបាត់ដាន ក្នុងផ្លូវធ្វើដំណើរពីទីក្រុងកូឡាឡំពួ ប្រទេស ម៉ាឡេស៊ី ទៅកាន់ទីក្រុងប៉េកាំង ប្រទេសចិន កាលពីថ្ងៃទី៨ ខែមិនា ឆ្នាំ២០១៤ បានក្លាយ ជា អាថកំបាំងអាកាសចរណ៏ដ៏ធំបំផុតរបស់ពិភពលោក៕
