កំពង់ចាម ៖ នាព្រឹកថ្ងៃចន្ទ ទី១១ មិថុនា នេះ សម្តេចតេជោ នាយករដ្ឋមន្ត្រីនៃប្រទេសកម្ពុជា បានស្នើសូមកុំអោយមានការនិយាយបន្តទៀតលើរឿងអាស្រូវ ព្រះសង្ឈឆាន់ពោត ជាមួយនារីម្នាក់ក្នុងខេត្តបន្ទាយមានជ័យ ដោយសម្តេចព្រមាន ចំឈ្មោះអ្នកដែលបញ្ឆេះរឿងនេះអោយកាន់តែខ្លាំងនោះ គឺលោក ផែង វណ្ណៈ និង ខាន់ ចានសុផល តែម្តង! សម្តេចបានព្រមានថា បើ នៅតែបន្តបញ្ឆេះរឿងនេះទៀត អ្នកទាំងពីរនឹងអាចត្រូវដកចេញពីការងារបច្ចុប្បន្នជាមន្ត្រីយោធា ដើម្បីកុំអោយប៉ះ។
ខណៈដែលរឿងអាស្រូវនៃការបែកធ្លាយវីដេអូព្រះសង្ឈឆាន់ពោត ជាមួយនារីម្នាក់ក្នុងខេត្តបន្ទាយមានជ័យ កាន់តែក្លាយជាប្រធានបទក្តៅលើបណ្តាញសង្គមហ្វេសប៊ុក រយៈពេលសប្តាហ៌មកនេះ នៅក្នុងពិធីសម្ពោធបើកអោយប្រើប្រាស់ កំណាត់ផ្លូវជាតិលេខ៦ ក្នុងខេត្តកំពង់ធំ នាព្រឹកថ្ងៃទី១១ ខែមិថុនានេះ សម្តេចតេជោ ហ៊ុន សែន នាយករដ្ឋមន្ត្រីនៃប្រទេសកម្ពុជា បានអំពាវនាវ ដោយស្នើសុំកុំអោយមានការនិយាយបន្តទៀតលើរឿងនេះ ដើម្បីកុំអោយប៉ះពាល់ជារួមដល់ព្រះពុទ្ធសាសនា និង តម្លៃស្ត្រីខ្មែរ តែម្តង។
សម្តេចតេជោ បានថ្លែងថា នេះជារឿងបុគ្គល ហើយក៏ត្រូវបានចាត់ការទៅតាម វិន័យសាសនា ហើយដែរ ប៉ុន្តែនៅលើបណ្តាញសង្គមហ្វេសប៊ុកតែលើករឿងនេះ មកនិយាយជាបន្តបន្ទាប់បន្ថែមទៀត។ សម្តេចតេជោ បានព្រមានចំឈ្មោះអ្នកដែល បញ្ឆេះរឿងនេះតែម្តង គឺលោក ផែង វណ្ណៈ និង លោក ខាន់ ចាន់សុផល ដែលបានទៅសម្ភាសន៌ផ្ទាល់ព្រះសង្ឈ និង នារី ដែលពាក់ព័ន្ធក្នុងរឿងនេះ ដែលរឹតតែធ្វើអោយរឿងនេះ ទទួលរងការរិះគន់ខ្លាំង កំពុងធ្វើអោយប៉ះពាល់ដល់ តម្លៃព្រះពុទ្ធសាសនា និងស្ត្រីខ្មែរ។
ខ្ញុំសូមអំពាវនាវរឿងពោតស្ងោពោតដុតនេះ សូមអោយបញ្ចប់រឿងនេះបាន
ទេ ដើម្បីរក្សាតម្លៃព្រះពុទ្ធសាសនាខ្មែរ និងរក្សាតម្លៃស្ត្រីខ្មែរ រឿងមនុស្សតែពីរនាកសោះធ្វើអោយពោតឡើងថ្លៃ ចុះថ្លៃ មិនសំហេតុផលសោះ! អ្នកដែលពូកែបង្កើតរឿងគឺ ផែវណ្ណៈ ដែលសម្ភាសន៌ខាងលោក។ ឯ ខាន់ចាន់សុផល ទៅសម្ភាសន៌ខាងស្រី វាមិនខុសពីចាំសង្អារប្រជល់គ្នាទេ… អស់លោកសុទ្ធតែជាមន្ត្រីយោធា បើនៅតែបន្តមានតែបណ្តេញចោលពីជួរកងទ័ពតែម្តងទៅ…កុំតាំងខ្លួនជាតុលាកាកាត់ក្តី…៕
