ថៃ ៖ ក្មេងប្រុស ៦ នាក់ក្នុងចំណោម១៣នាក់ នៃក្រុមបាត់ទាត់សាលាថៃមួយ ត្រូវបានជួយសង្គ្រោះនាំចេញមកក្រៅពីល្អាងភ្នំថាមលួងដោយសុវត្ថិភាព បន្ទាប់ពីពួកគេជាប់នៅទីនោះ អស់រយៈពេល២សប្តាហ៍។ តែកងទាហានជើងទឹកថៃ ដែលចូលរួមក្នុងការងារនេះ និយាយ ថាសមាជិកក្រុមបាល់ទាត់វ័យក្មេងចំនួន ៤នាក់ត្រូវបាននាំចេញក្រៅរួចហើយ។
កាសែតបាងកកប៉ុស្តិ៍ បានរាយការណ៍ថា ក្មេងៗ និងគ្រូម្នាក់របស់គេ នឹងទទួលការព្យាបាល វេជ្ជសាស្ត្រនៅមន្ទីរពេទ្យ Chiangrai Prachanukroh រយៈពេល២៤ម៉ោង ក្រោយត្រូវបានសង្គ្រោះ ចេញពីរូង។ គ្រួសាររបស់គេនឹងមិនត្រូវអនុញ្ញាតអោយចូលមើលពួកគេទេនៅ២៤ម៉ោងដំបូងនេះ ។ ការចូលមកសួរសុខទុក្ខអាចត្រូវបានអនុញ្ញាតក្រោយការពិនិត្យសុខភាពបានរួចរាល់ក្នុងរយៈពេលប្រហែល៤៨ម៉ោង ។
បើតាមសារព័ត៌មាន The Guardia នៅយប់ថ្ងៃអាទិត្យ ទី៨ ខែកក្កដា ឆ្នាំ២០១៨ ឲ្យដឹងថា
ក្មេងជំទង់ពីរដែលចេញមកដល់ក្រៅមុន ក្នុងចំណោម៦នាក់ខាងលើ ត្រូវបានបញ្ជូនតាមរថយន្តសង្គ្រោះបន្ទាន់ ទៅកាន់ឧទ្ធម្ភាគចក្រ ដើម្បីដឹកបន្តទៅមន្ទីរពេទ្យខេត្តឈៀងរ៉ាយ ដែលនៅចម្ងាយប្រមាណ៨០គីឡូម៉ែត្រពីតំបន់រូងភ្នំថាមលួង។
មន្ត្រីសុខាភិបាលខេត្តឈៀង រ៉ៃ ម្នាក់បាននិយាយថា ក្មេងៗ និងគ្រូរបស់គេអាចចេញពីពេទ្យ ទៅផ្ទះវិញ នៅក្នុងរង្វង់៥ថ្ងៃក្រោយពីការពិនិត្យព្យាបាល ៕
