ថៃ ៖ ក្មេងប្រុស៤នាក់ដំបូងគេ ដែលត្រូវបានរំដោះចេញពីរូងភ្នំថាមលួង ដោយសុវត្ថិភាពកាលពីយប់ ថ្ងៃអាទិត្យ ទី៨ កក្កដា ក្នងនោះមានគ្រូង្វឹករបស់ពួកគេម្នាក់ផងឈ្មោះ Ekapol Chantawong អាយុ ២៥ ឆ្នាំ។ នេះបើតាមលោក Narongsak Osotthanakorn បានបញ្ជាក់ក្នុងសន្និសីទសារព័ត៌មានកាលពីយប់មិញថា ក្មេងប្រុស៤នាក់បួននាក់ត្រូវបានជួយសង្គ្រោះចេញ និងបញ្ជូនទៅមន្ទីរពេទ្យ Prachanukroh ក្នុងខេត្ត Chiang Rai ។
ប្រភពបន្តថា គ្រូបង្វឹកនោះ ត្រូវបានគេរាយការណ៍ថា ត្រូវបាននាំយកចេញដំបូងគេ ដោយសារតែគាត់ស្ថិតក្នុងស្ថានភាពខ្យាយខ្លាំង ព្រោះតែគាត់បានរំលែកអាហារឲ្យទៅដល់កូនសិស្សទាំង១២នាក់ សុខចិត្តអត់ខ្លួនឯង ខណៈកំពុងជាប់គាំងនៅក្នុងរូងលិចទឹក។ ចំណែកក្មេងប្រុស ៩នាក់ ដែលនៅពុំទាន់ជួយរំដោះចេញ នៅតែស្ថិតនៅកន្លែងដដែល ចម្ងាយប្រហែល៥០០ម៉ែត្រ ពីឆ្នេរ Pataya ។
យ៉ាងណាក៏ដោយ ប្រធានប្រតិបត្តិការសង្គ្រោះ ដើម្បីជម្លៀសក្មេងប្រុស១២នាក់ និងគ្រូបង្វឹករបស់ពួកគេម្នាក់ ចេញពីរូងភ្នំ Tham Luang កាលពីថ្ងៃអាទិត្យ បានឱ្យដឹងថា ប្រតិបត្តិការនេះបានទទួលជោគជ័យ ប៉ុន្តែភារកិច្ចនេះនឹងមិនត្រូវបានបញ្ចប់ទេ រហូតទាល់តែអ្នក«ចុងក្រោយ» បានចូលមកដល់ច្រកចូលរូងភ្នំតែម្តង ។ ប្រតិបត្ដិការជួយសង្គ្រោះត្រូវបានផ្អាករហូតមកដល់ថ្ងៃច័ន្ទនេះ ខណៈពេលដែលធុងខ្យល់ត្រូវបានដាក់ជំនួស ដើម្បីបន្តប្រតិបត្តិការរំដោះយកក្មេងៗដែលនៅសល់៕
video_2018-07-09_11-02-06
