ប្រធានគណបក្សអំណាចខ្មែរប្តឹងលោកសួន សេរីរដ្ឋា ពីបទបរិហាកេរ្តិ៍
លោក សួង សុភ័ណ្ឌ ប្រធានគណបក្សអំណាចខ្មែរ នៅថ្ងៃទី១៣ កញ្ញា នេះ បានដាក់ពាក្យប្តឹងលោក សួន សេរីរដ្ឋា អតីតប្រធានគណបក្សអំណាចខ្មែរ ទៅតុលាការក្រុងភ្នំពេញ រួចហើយ ពីបទរិហាកេរ្តិ៍ជាសាធារណៈ។
តាមរយៈពាក្យបណ្តឹង បានឲ្យដឹងថា ការប្តឹងនេះធ្វើឡើងបន្ទាប់ពី លោក សួន សេរីរដ្ឋា បានចោទប្រកាន់ថា លោក សួង សុភ័ណ្ឌ ជាអ្នកក្លែងបន្លំលិខិតលាលែង ពីប្រធានគណបក្សរបស់ខ្លួន (សួន សេរីរដ្ឋា) ដែលបានធ្វើឡើងនៅក្នុងសន្និសីទសារព័ត៌មាន កាលពីថ្ងៃព្រហស្បតិ៍ កន្លងមក នេះ៕
