ភ្នំពេញ៖ អ្នកឧកញ៉ា ទ្រី ភាព ដែលជាអ្នកមានទ្រព្យសម្បត្ដិ ស្ដុកស្ដម្ភ ក្នុងជំនួញដ៏ធំនៅកម្ពុជា កំពុងធ្វើអោយមជ្ឈដ្ឋានទូទៅពិសេសបណ្ដាញ ទំនាក់ទំនងសង្គមហ្វេសប៊ុក ភ្ញាក់ផ្អើលយ៉ាងខ្លាំង ខណៈឃើញរូបភាពរបស់គាត់ក្នុងមង្គលការជាមួយនឹងនារីវ័យក្មេងដ៏ស្រស់សោភាម្នាក់។
អ្នកខ្លះបានកោតសរសើរពីសមត្ថភាព របស់គាត់មានភ័ព្វសំណាងខ្ពស់ណាស់ ជាងកំលោះៗ បើទោះជាលោកឧកញ៉ាមានរូបសម្បត្ដិល្អ រាងកាយមាំមួន ប៉ុន្ដែបើមើលឃើញ ពីគូអនាគតពិតជានៅក្មេងល្ហក់ ហាក់ដូចជាមិនសមប្រដងនឹងសមត្ថភាពអ្នកឧកញ៉ាមែន ។
នៅក្នុងបណ្ដាញទំនាក់ទំនងសង្គមមួយ របស់ HD Funny Clip “នៅចាំលោក ឧកញ៉ា ទ្រី ភាពទេ (ឪយក្សតូច)! ប្រពន្ធ ក្មេងអាយុ១៩ឆ្នាំ ខ្ចីល្វក់តែម្ដងហើយពូ…។
នៅក្នុង Account នេះផងដែរ មាន អ្នក Comment ជាច្រើនបានរិះគន់ផងនិង សរសើរផង ដូចជាពាក្យថា “គ្មាននរណា ចង់បានប្រពន្ធចាស់ទេ កុំឆ្ងល់ពេក សាក យើងមាន រកក្មេងដូចតែគ្នាហ្នឹង។ ដោយឡែកម្ចាស់ Account ឈ្មោះ Rio Stifler បាននិយាយថា ក្មេងមែន… តែពួកគាត់កូន២ហើយ… និងមានអ្នកឆ្លើយតបវិញថា អ្វីៗគឺជារឿងព្រហ្មលិខិត យើងគ្មានវាសនាដូចគេមានលុយ គឺមានអ្វីៗទាំងអស់ កុំនាំគ្នាឆ្ងល់ពេក…។
បើទោះជាមានរូបភាពមង្គលការអ្នក ឧកញ៉ា ទ្រី ភាព ត្រូវបានទំនាក់ទំនងសង្គមដែលគួរឲ្យចាប់អារម្មណ៍យ៉ាងខ្លាំងនេះក៏ដោយ ប៉ុន្ដែគេក៏ពុំដឹងថា នារីដ៏ស្រស់សោភារូបនេះ ជាភរិយា ពេញសិទ្ធិឬយ៉ាងណានៅឡើយទេ ខណៈពុំមានប្រភពជាក់លាក់ណាមួយបញ្ជាក់ថា អ្នកឧកញ៉ា ទ្រី ភាព ត្រូវបានផ្ដាច់ចំណងអាពាហ៍ពិពាហ៍ជាមួយភរិយាមុននោះ ?
មិនអាចទាក់ទងបានទេទៅ អ្នកឧកញ៉ា ទ្រី ភាព កាលពីព្រឹកថ្ងៃទី២០ ខែឧសភា ឆ្នាំ២០១៥ ដោយគ្មានលេខទូរស័ព្ទ៕
