ភ្នំពេញ ៖ យ៉ាងហោចណាស់ក៏មានកម្មករ កម្មការិនីនៅក្នុងរោងចក្រកាត់ដេរសំលៀកបំពាក់ យីហោហ្គ្រីនមីដូវវេឡុបមេន ចំនួន៤០នាក់ បានដួលសន្លប់ជាបន្តរបន្ទាប់ខណះពេលកម្មករទាំងនោះកំពុងតែបំពេញការងាររៀងៗខ្លួនហើយដោយទ្រាំ និងសម្លេងស្រែកសំឡុត ពីបុរសអ្នកបកប្រែអោយចិនម្នាក់ ស្រែកខ្លាំងៗពេក បំបាក់ស្មារតីទៅលើពួកគេទើបបណ្តាលអោយមានកម្មករមួយចំនួនដួលសន្លប់បែបនេះ។
ហេតុការណ៍ដួលសន្លប់ធ្វើអោយមានការភ្ញាក់ផ្អើលនេះ បានកើតឡើងកាលពីវេលាម៉ោង១០និង៤០នាទីព្រឹកថ្ងៃទី១២ ខែវិច្ឆិកា ឆ្នាំ២០១៨ ស្ថិតនៅ សង្កាត់ពងទឹក ខណ្ឌដង្កោ រាជធានីភ្នំពេញ។
ក្រោយពេលកើតហេតុក៏មានក្រុមគ្រូពេទ្យកង ៧១១ បានបញ្ជូនរថយន្តសង្គ្រោះជាច្រើនគ្រឿងមកកាន់កន្លែងកើតហេតុ ដឹកជញ្ជូនកម្មករដែលដួលសន្លប់ទៅសង្គ្រោះបន្ទាន់នៅមន្ទីរពេទ្យចោមចៅ។
ភ្លាមៗនោះដែរលោកវរៈសេនីយ៍ឯក ជឹម ស៊ីថា អធិការខណ្ឌដង្កោ បានដឹកនាំកម្លាំងចុះទៅអន្តរគមន៍ និងស្រាវជ្រាវរកមូលហេតុពិតនៃការដួលសន្លប់របស់កម្មករទាំងនោះ ក្រោយពីសាកសួពីសន្តិសុខ និងកម្មករជាច្រើននាក់ទៀតបានប្រាប់ដូចៗគ្នាថា មូលហេតុដែលកម្មករជាច្រើននាក់ដួលសន្លប់នោះ គឺមកពីបុរសអ្នកបកប្រែអោយចិនម្នាកើ បានស្រែកស្តីសំឡុតខ្លាំងៗពេក ទើបបានជាមានអ្នកភ័យរហូតសន្លប់បែបនេះ។
ជុំវិញករណីនេះដែរលោកជឹមស៊ីថាបានបញ្ជារអោយកម្លាំងប៉ុស្តិ៍នគរបាលពងទឹកឃាត់ខ្លួនបុរសអ្នកបកប្រែចិនដែលនិយមស្តីសំឡុតកម្មកររូបនេះទៅសាកសួនិងធ្វើការអប់អោយបញ្ឈប់ប្រើសម្តីអាក្រក់ដាក់កម្មករទៀតនោះឡើយ៕
