សម្តេចតេជោ ហ៊ុន សែន ប្រកាសឈប់ឆ្លងឆ្លើយជាមួយលោក សម រង្ស៊ី
ភ្នំពេញ ៖ សម្តេចនាយករដ្ឋមន្ត្រីតេជោ ហ៊ុន សែន បានប្រកាសឈប់ឆ្លងឆ្លើយសម្តី ជាមួយលោក សម រង្ស៊ី ប្រធានចលនាសង្គ្រោះជាតិ នៅក្រៅប្រទេស ដោយសម្តេចយល់ឃើញថា ការតបត នាពេលកន្លង មក ហាក់ផ្តល់តម្លៃដល់លោក សម រង្ស៊ី។
សម្តេចតេជោ ហ៊ុន សែន បានមានប្រសាសន៍ដូច្នេះ នៅឱកាសអញ្ជើញជាអធិបតីក្នុងពិធីបិទមហាសន្និបាត តំណាងទូទាំងប្រទេសលើកទី៤ របស់សហភាពសហព័ន្ធយុវជនកម្ពុជា កាលពីថ្ងៃទី២៧ វិច្ឆិកា ឆ្នាំ២០១៨។
សម្តេចនាយករដ្ឋមន្ត្រី បានបញ្ជាក់ថា លោក សម រង្ស៊ី កន្លងមក តែងតែព្យាយាមបង្ហោះសារក្នុង Facebook និងប្រើប្រាស់គ្រប់វិធីទាំងអស់ ដើម្បីឲ្យលោកតបត ខណៈដែលលោកដឹងច្បាស់ថា លោក សម រង្ស៊ី លែងជាមនុស្សដែលគេយកចិត្តទុកដាក់ ដូច្នេះមានតែរកវិធីឆ្កិះសម្តេចឲ្យនិយាយជេរ ត្រឡប់ទៅវិញ ប៉ុណ្ណោះ៕
