១៥ថ្ងៃដើមខែធ្នូនេះ សាំងធម្មតាថ្លៃ ៣.៤៥០រៀល និងប្រេងម៉ាហ្សូតថ្លៃ ៣.៥០០រៀល/លីត្រ
»
ភ្នំពេញ ៖ យោងតាមសេចក្ដីជូនដំណឹងរបស់ក្រសួងពាណិជ្ជកម្ម នៅព្រឹកថ្ងៃចន្ទ ទី៣ ខែធ្នូ ឆ្នាំ២០១៨ នេះ បានឲ្យដឹងថា តម្លៃប្រេងឥន្ធនៈដែលត្រូវលក់រាយតាមស្ថានីយដោយតម្លៃសាំងធម្មតា ត្រូវលក់មួយលីត្រ ៣.៤៥០រៀល និងប្រេងម៉ាស៊ូតតម្លៃ ៣.៥០០រៀលក្នុងមួយលីត្រ។
សូមបញ្ជាក់ថា ដើម្បីជួយម្រួលដល់ជីវភាពរបស់ប្រជាពលរដ្ឋ និងដោយមានការចូលរួមចំណែក ពី ក្រមហ៊ុន ចែក ចាយប្រេងឥន្ធនៈនៅកម្ពុជា សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បាន សម្រេចបញ្ចុះតម្លៃលក់រាយប្រេងឥន្ធនៈនៅទូទាំងកម្ពុជាចំនួន៤សេនដុល្លារ ក្នុងមួយលីត្រ និងត្រូវ អនុវត្តចាប់តាំងពីថ្ងៃទី០១ ដល់ថ្ងៃទី១៥ ខែធ្នូ ឆ្នាំ២០១៨ ៕
