»
ភ្នំពេញ ៖ ជំនួយឥតសំណងជារថយន្តគ្លីនិកចល័តចំនួន២០គ្រឿងថ្មីទៀត របស់រដ្ឋាភិបាលចិន ត្រូវ បានតំណាងស្ថានទូតចិនប្រចាំកម្ពុជា ប្រគល់ជូនក្រសួងសុខាភិបាលកម្ពុជា ។ ពីធីប្រគល់រថយន្ត គ្លីនិកនេះ ធ្វើនៅថ្ងៃទី១២ ខែធ្នូ នៅទីស្តីការក្រសួង ក្រោមអធិបតីភាព ឯ.ឧ. សាស្ត្រាចារ្យ ម៉ម ប៊ុនហេង និងលោក ដេង បូហ្គីង អនុប្រធានទីភ្នាក់ងារសហប្រតិបត្តិការអន្តរជាតិចិន សម្រាប់ការ អភិវឌ្ឍន៍។
តាមសេចក្តីជូនព័ត៌មានរបស់ក្រសួងសុខាភិបាល បានឲ្យដឹងថា រថយន្តគ្លីនិកចល័តទាំង២០គ្រឿងដែលបានទទួលពីរដ្ឋាភិបាលចិន ជាលើកទីពីរនេះ នឹងប្រគល់ឲ្យទៅមន្ទីរសុខាភិបាលរាជធានីភ្នំពេញ ខេត្តកំពង់ធំ ខេត្តកំពត ខេត្តកោះកុង ខេត្តក្រចេះ ខេត្តមណ្ឌលគីរី ខេត្តព្រះវិហារ ខេត្តព្រៃវែង ខេត្តពោធិ៍សាត់ ខេត្តរតនគីរី ខេត្តស្ទឹងត្រែង ខេត្តឧត្តរមានជ័យ ខេត្តកែប ខេត្តប៉ៃលិន និងខេត្តត្បូងឃ្មុំ៕
