ស្ថាប័នចំនួន៨ ផ្តល់យោបល់ដល់ គ ជ ប លើសេចក្តីព្រាងនីតិវិធីសម្រាប់ការបោះឆ្នោតក្រុមប្រឹក្សា
ភ្នំពេញ ៖ គណៈកម្មាធិការជាតិរៀបចំការបោះឆ្នោត (គ.ជ.ប) បានចេញសេចក្ដីប្រកាសព័ត៌មាន នៅថ្ងៃទី២៩ ខែមករា ឆ្នាំ២០១៩ នេះថា ក្នុងចំណោម៣៣ស្ថាប័ន មានចំនួន៨ស្ថាប័ន បានពិនិត្យ សេចក្តីព្រាងរួចរាល់ និងបានបញ្ជូនអនុសាសន៍ត្រឡប់មកវិញជុំវិញសេចក្តីព្រាង និងនីតិវិធីសម្រាប់ ការបោះឆ្នោតក្រុមប្រឹក្សា អាណត្តិទី៣ រួមមាន ៖ អគ្គលេខាធិការដ្ឋានព្រឹទ្ធសភា, ក្រសួងមហាផ្ទៃ, ក្រសួង ព័ត៌មាន, គណបក្សប្រជាជនកម្ពុជា, គណបក្សយុវជនកម្ពុជា, គណបក្សមាតុភូមិយើង, សហគមន៍ គ្រួសារ អភិវឌ្ឍន៍កសិកម្ម និងសមាគមជ័យលាភីបញ្ញាជនកម្ពុជា។
គ.ជ.ប បន្ថែមថា រាល់អនុសាសន៍ទាំងអស់របស់ស្ថាប័នទាំងនេះ នឹងយកទៅពិភាក្សាក្នុងកិច្ចប្រជុំ របស់ គ.ជ.ប នៅពេលខាងមុខ មុននឹងដាក់ឲ្យប្រើប្រាស់ជាផ្លូវការ ហើយការបោះឆ្នោតជ្រើសរើស ក្រុមប្រឹក្សា នឹងប្រព្រឹត្តទៅនៅថ្ងៃទី២៦ ខែឧសភា ឆ្នាំ ២០១៩៕
