វៀតណាម​ដំឡើង​នាវា​ការពារ​ដែន សមុទ្រ​ផ្ទុក​កាំជ្រួច​រយៈ​ចម្ងាយ​១៣០​គ​.ម​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 4 June, 2015 ក+ ក-

​វៀត​ណា​ម៖ ប្រទេស​វៀតណាម​ចាប់ ផ្ដើម​ដំឡើង​នាវាចម្បាំង​ដែនសមុទ្រ​បំពាក​កាំជ្រួច រយៈ​ចម្ងាយ​ប្រមាណ​១៣០​គ​.​ម ដើម្បី​ពង្រឹង​សន្តិសុខ​ដែនសមុទ្រ​របស់ខ្លួន​ឆ្លើយតប​មហិច្ឆតា​របស់​ប្រទេសជិតខាង ក្នុងនោះ​ក៏មាន​ករណី​ជម្លោះដែនសមុទ្រ​ចិន​ភាគខាងត្បូង​ដែល​នៅ​ក្តៅគគុក​នោះ​ផងដែរ ។​

​ប្រព័ន្ធ Channel News Asia បាន​រាយការណ៍​ថា នាវា​ការពារ​ដែនសមុទ្រ​បំពាក់​កាំជ្រួច​ដែល​អ្នក​ឯក​ទេស​បាន​ដំឡើង​នោះ​គឺ​យក​គំ​រូពី​ប្រទេស​រុស្ស៊ី​ដែល​ជាប្រទេសឋិត​ក្នុង​លំដាប់​មហាអំណាច​នៃ​គ្រឿង​សព្វាវុធ ។​នាវា​នីមួយៗ​ត្រូវបាន​បំពាក់​កាំជ្រួច​ពីរ​ដើម​ដែល​អាច​បាញ់​ចំ​គោលដៅ​រហូតដល់​ចម្ងាយ​១៣០​គីឡូម៉ែត្រ ។​

លោក ទ្រឿ​ង គួ​ង​ខាន់ អនុរដ្ឋមន្ដ្រី​ក្រសួងការពារជាតិ​វៀតណាម បាន​និយាយថា នាវា​ដែល​បំពាក់​ដោយ​កាំជ្រួច​នេះ នឹង​បង្ហាញថា ប្រទេស​វៀតណាម​មាន​ស​ម​ត្ថ​ភាព និង​លទ្ធភាព​ពេញលេញ​ក្នុងការ​ការពារ​ដែន​អធិបតេយ្យ​របស់ខ្លួន ។​

គួរ​កត់សម្គាល់ថា ការពង្រឹង​ការការពារ​ដែន​អធិបតេយ្យ​របស់​វៀតណាម និង​ការចុះ​កិច្ចព្រមព្រៀង​សាមគ្គីភាព​វិស័យ​យោធា​ជាមួយ​ប្រទេស​ហ្វីលីពីន និង​អាមេរិក​កាលពី​ថ្ងៃ​ចន្ទ​សប្តាហ៍​នេះ ត្រូវគេ​មើលឃើញថា​​បាន​កើតឡើង​ក្រោយពេល​ប្រទេស​នេះ​មាន​ជម្លោះដែនសមុទ្រ​ចិន​ភាគខាងត្បូង នៃ​ប្រជុំ​កោះ​ស្ត្រា​ត​លី ជាមួយ​មហាអំណាច​ចិន ដែល​វៀតណាម​នៅតែ​អះអាងថា ជា​ដែនសមុទ្ររបស់ខ្លួន ៕ ខេមរិន្ទ
jkhnb

នាវា​បំពាក់​ដោយ​កាំជ្រួច​របស់​វៀតណាម (​រូបថត​៖ កាសែតយុវជនវៀតណាម)