ភ្នំពេញ ៖ លោក តាំង ស៊ុនឡាយ ត្រូវបានឧត្តមក្រុមប្រឹក្សានៃអង្គចៅក្រម សម្រេចបញ្ចប់ដំណែងជាប្រធានសាលាដំបូងរាជធានីភ្នំពេញ ។ ជាមួយគ្នានេះ អនុប្តរធាន៤រូប និងចៅក្រមចំនួន៦រូប ក៏ផ្លាស់ប្តូរដែរ។ ទោះបីយ៉ាងណា ពេលនេះ ពុំទាន់ដឹងថា លោកតាំង ស៊ុនឡាយ ត្រូវផ្លាស់ប្តូរដំណែងទៅខាងណានោះទេ ។
នេះបើយោងបញ្ជីស្ថិតិបញ្ជាក់ពីចំនួន ប្រធាន អនុប្រធាន ចៅក្រម នៃសាលាដំបូងរាជធានីភ្នំពេញ ដែលដល់វេនត្រូវផ្លាស់ប្ដូរក្នុងឆ្នាំ២០១៨ ដែលចុះហត្ថលេខាដោយលោក សំ ប្រជាមានិត អគ្គលេ ខាធិការនៃអគ្គលេខាធិការដ្ឋាន ឧត្តមក្រុមប្រឹក្សានៃអង្គចៅក្រម នៅថ្ងៃទី៣១ ខែមករា ឆ្នាំ២០១៩ កន្លងមកនេះ ។
គួររំឭកថា លោក តាំង ស៊ុនឡាយ បានចូលកាន់ដំណែងជាប្រធានសាលាដំបូងរាជធានីភ្នំពេញ កាលពីថ្ងៃទី១៨ ខែកុម្ភៈ ឆ្នាំ២០១៥ ជំនួសលោក អាំង មាលតី ដែលជាប់ពាក់ព័ន្ធនឹងអំពើពុករលួយ។ ក្នុងការដឹកនាំស្ថាប័នសាលាដំបូងរាជធានីភ្នំពេញ លោក តាំង ស៊ុនឡាយ ក៏លេចឮរឿងមិនប្រក្រតីមួយចំនួនផងដែរ រហូតអង្គភាពប្រឆាំងអំពើពុករលួយ ACU រកឃើញថា”មានទំនាស់ផ្ទៃក្នុង”នៃសាលាដំបូងរាជធានីភ្នំពេញ៕
