លោក ភ្លន់ តារា ត្រូវបានផ្ទេរតំណែងទៅកាន់ជាមេបញ្ជាការរងយោធភូមិភាគទី៥
បន្ទាយមានជ័យ ៖ ក្រសួងការពារជាតិ បានសម្រេចដកកំណែងលោក ភ្លន់ តារា ឬ លោក ភ្លន់ ហុង ចេញពីមេបញ្ជាការតំបន់ប្រតិបត្តិការខេត្តបន្ទាយមានជ័យហើយ កាលពីរសៀលថ្ងៃទី៤ ខែមីនា ឆ្នាំ២០១៩ នេះ ដោយដាក់ជំនួសមកវិញដោយលោក ជឹម ប៊ុនអាន អតីតមេបញ្ជាការរង និងជានាយសេនាធិការ។ ការប្រកាសដកមេបញ្ជាការរូបនេះ ធ្វើឡើងនៅក្នុងពិធីទស្សនកិច្ចសិក្សា ស្តីពីការកសាងពង្រឹងអង្គភាព នៅទីញ្ជាការវរសនាតូច ៥២៣ កងពលតូចថ្មើរជើងលេខ ៥២ ស្ថិតក្នុងភូមិសាស្ត្រស្រុករតន:មណ្ឌល ខេត្តបាត់ដំបង ក្រោមវត្តមានលោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក និងនាយឧត្តសេនីយ៍ ប៊ុន សេង រដ្ឋលេខាធិការក្រសួងការពារជាតិ។
សូមបញ្ជាក់ថា លោក ភ្លន់ តារា ត្រូវបានផ្ទេរភារកិច្ច ពីមេបញ្ជាការតំបន់ប្រតិបត្តិការសឹករងខេត្តបន្ទាយមានជ័យ ដោយតែងតាំងជា មេបញ្ជាការរងយោធភូមិភាគទី៥ វិញ៕
