អាជ្ញាធរភូមាចាប់ខ្លួនមេខ្លោងជួញដូរមនុស្ស៩៣នាក់
ភូមា៖ប៉ូលីសប្រទេសភូមាបានបើកប្រតិបត្តិការចាប់អ្នកជួញដូរមនុស្ស៩៣នាក់ពីទីកន្លែងផ្សេងគ្នា ដែលសុទ្ធតែជាមេខ្លោងនៃការជួញដូរមនុស្សពីប្រទេសភូមាទៅធ្វើពលកម្ម និងទាសករផ្លូវភេទនៅប្រទេសថៃ ម៉ាឡេស៊ី និងប្រទេសចិន ។
របាយការណ៍របស់នគរបាលប្រឆាំងការជួញដូរមនុស្សនៅភូមាបានបង្ហាញថា មេខ្លោងជួញដូរមនុស្សទាំង៩៣នាក់នោះ ត្រូវបានចាប់ខ្លួនក្នុងអំឡុងរយៈពេល៥ខែចុងក្រោយនេះ ហើយជនរងគ្រោះភាគច្រើនត្រូវគេលក់ដូរ បង្ខំឲ្យរៀបការនៅក្នុងប្រទេសចិន បង្ខំឲ្យធ្វើពលកម្មនៅក្នុងប្រទេសថៃ និងម៉ាឡេស៊ី៕
ជនចំណាកស្រុករ៉ូហ៊ីងយ៉ាត្រូវបានឃុំខ្លួន បន្ទាប់ពីមានការប៉ះទង្គិចគ្នារវាងអាជ្ញាធរថៃ នឹងក្រមជួញដូរមនុស្ស (រូបថត៖ EAP)
