ភ្នំពេញ ៖ ក្រុមអ្នកធ្វើជំនួញតាមអនឡាយបង្ហាញពីភាពជោគជ័យរបស់ខ្លួន ខណៈដែលទីផ្សាមួយនេះ កំពុងមានការប្រកួតប្រជែងយ៉ាងខ្លាំងក្លាស្របពេលដែលអ្នកធ្វើជំនួញ តាម ប្រព័ន្ធអ៊ីនធើណេត មានការកើនឡើងគួរឱ្យកត់សំគាល់ នៅក្នុងរយៈពេលប៉ុន្មានឆ្នាំចុងក្រោយនេះ ក៏មានអ្នកប្រកបអាជីវកម្មប្រភេទនេះ មួយចំនួនទៀត បានបង្ហាញពីភាពជោគជ័យរបស់ខ្លួនពីមួយឆ្នាំទៅមួយឆ្នាំ ដែលអាចរកចំណូលបានរាប់ម៉ឺនដុល្លារអាមេរិក ហើយពង្រីកខ្លួនកាន់តែធំពីក្នុងមួយខែៗ ខណៈដែលមុខរបរមួយនេះ កំពុងមានការប្រកួតប្រជែងគ្នាយ៉ាងខ្លាំងក្លាយនៅលើទីផ្សារកម្ពុជា។

ជាក់ស្តែងនៅចុងសប្តាហ៍កន្លងមកនេះ អ្នកធ្វើជំនួញតាមអ៊ីនធើណេត មួយមានឈ្មោះ ប៊ីហ៊ីប គ្លូបប៊ល ខេមបូឌា ដែលមានភ្នាក់ងារចែកចាយរាប់រយនាក់នៅទូទាំងប្រទេស បានជួបជុំគ្នារៀបចំកម្មវិធីមួយឈ្មោះថា វ៉ាយ ផាតធី ដើម្បីអបអរសាទរ នូវភាពជោគជ័យរបស់ខ្លួន លើមុខជំនួញនាឆ្នាំកន្លងទៅ ជាពិសេស អបអរសាទរ ចំពោះដៃគូចែកចាយទាំងនៅភ្នំពេញ បាត់ដំបងនិងសៀមរាបដែលបានបញ្ចប់វគ្គបណ្តុះបណ្តាល ប៊ីហ៊ីប អ៊ីនហ្វីនីធី ខុនវិនហ្សិន ២០១៩ ដែលជាព្រឹត្តិការណ៍ប្រចាំប្រទេសកម្ពុជាមួយនេះ បានរៀបចំធ្វើតាំងពីថ្ងៃទី២៩ ដល់ ៣០ ខែមីនា ឆ្នាំ២០១៩ នៅសណ្ឋាគារ ឌឹ គ្រីត ឌុក ភ្នំពេញ។

លោក ថុង សុធារិទ្ធ ដែលជាអ្នកតំណាងក្រុមហ៊ុន បានលើកឡើងថា ភាពជោគជ័យ ដែលទទួលបាននៅពេលនេះ គឺយើងបានធ្វើឱ្យអតិថិជន មានការជឿជាក់ ហើយរាល់ផលិតផល ដែលនាំចូលមកលក់ នៅលើទីផ្សារកម្ពុជា គឺមានការទទួលស្គាល់ ដោយច្បាប់ មិនធ្វើឱ្យប៉ះពាល់ដល់សុខភាពមនុស្ស ឬ បរិស្ថាន ប៉ុន្តែបានធានាចំពោះសុវត្ថិភាពនិងសុខភាព ពលរដ្ឋ ប្រកបដោយការទទួលខុសត្រូវខ្ពស់។ ក្រៅពីនេះ ចំពោះអ្នកចែកចាយ ក៏ត្រូវបានទទួលការ បណ្តុះបណ្តាលនូវជំនាញ វិជ្ជាជីវៈ យ៉ាងត្រូវត្រូវផងដែរ។ ទន្ទឹមគ្នានេះ លោកបានអះអាងផងដែរថា ប៊ីហ៊ីន នៅតែបោះជំហានទៅមុខដោយការទទួលខុសត្រូវផងដែរ។

ចំណែកលោក ម៉ៅ រតនា អ្នកដឹកនាំក្រុម វ័នធីម យូណាយធីតបានឱ្យដឹងថា ដោយភាពជោគជ័យ យើងតែងបង្កើតព្រឹត្តិការណ៍ប្រចាំឆ្នាំ ដើម្បីផ្លាស់ប្តូរមតិយោបល់គ្នា ធ្វើយ៉ាងណារកវិធីសាស្រ្តល្អៗនិងមុខទំនិញថ្មី សម្រាប់ផ្គាប់ចិត្តអតិថិជន។

លើសពីនេះក៏មានការលើកទឹកចិត្ត តាមរយៈការប្រគល់ពានកត្តិយស ដល់ដៃគូរចែកចាយឆ្នើម ដែលបានខិតខំប្រឹងប្រែងលក់ និងបង្វិកក្រុមលក់ រហូតទទួលបានដំណែង នឹងដំណើរកំសាន្តនានាទៅក្រៅប្រទេស។សម្រាប់ឆ្នាំនេះនឹងមានដំណើរកំសាន្តលក្ខណ: VIP ដ៏អសា្ចរ្យ មួយគឺការជិះកប៉ាល់ដ៏ធំ នៅក្នុងតំបន់អាស៊ី ឆ្លងកាត់ប្រទេស3 គឺប្រទេស សិង្ហបុរី ម៉ាឡេស៊ី និង ថៃឡង់ នាចុង ខែ មិថុនាឆ្នាំ 2019 ខាងមុខនេះផងដែរ៕