ការប្រតិកម្ម នោះ បន្ទាប់ពីលោកស្នងការរងនគរបាលរាជធានីភ្នំពេញ ទទួលផែនហិរញ្ញវត្ថុ បានយកប្រាក់ទៅប្រគល់អោយនគរបាលប៉ុស្តិ៍ កាលពីព្រឹកថ្ងៃទី០៦ ខែមេសាឆ្នាំ ២០១៩ និងបានណែនាំអោយនគរបាលប៉ុស្តិ៍ អីវ៉ាន់ចេញនៅថ្ងៃច័ន្ទ ទី០៨ ខែមេសា នេះ។
ទន្ទឹមនោះ នៅអធិការដ្ឋាន ខណ្ឌសែនសុខ ក៍បានធ្វើពិធីជប់លៀងយ៉ាងសប្បាយគគ្រឹកគគ្រេង ផងដែរ ដែលគេអះអាងថា បន្ទាប់ពីទទួលបានប្រាក់ខ្លះៗបានមកពីការលក់ស្នាក់ប៉ុស្តិ៍ នគរបាលរដ្ឋបាលទឹកថ្លា ក្រោមរូបភាពដោះដូរ«យកឆ្នាំងមាសដូរយកឆ្នាំងដី»។
ដីស្នាក់ការប៉ុស្តិ៍នគរបាលរដ្ឋបាលទឹកថ្លា នោះ ត្រូវបានគេដឹងថា ក្បាលមានទំហំប្រមាណ២៥ម៉ែត្រ គុណ៣០ម៉ែត្រ ស្ថិតនៅតាមផ្លូវ ភ្នំពេញហាណូយ ខាងជើង ស្ពានអាកាសផ្សារដីហុយ ប្រមាណជាង២០០ម៉ែត្រ ។ដីនេះ ត្រូវគេដឹងថា ជាដីត្រូវប៉ាន់នៅផ្លូវធំ មានតម្លៃ ប្រមាណជិត២លាន់ ដុល្លារ ហើយត្រូវបានថ្នាក់លក់ហើយទៅទិញដីធ្វើ ស្នាក់ការប៉ុស្តិ៍ទឹកថ្លាថ្មី នៅក្រលៀតផ្លូវចូលប្រមាណជាង២ម៉ែត្រនិង ផ្លូវទល់ស្ថិតផ្ទះលេខ៣៣៨ផ្លូវលំភូមិចុងថ្នល់ខាងលិច សង្កាត់ទឹកថ្លា ដែលទាំងដីនិងធ្វើអគារសរុបប្រមាណមិនដល់២០ម៉ឺនដុល្លារ នៅសល់ គឺចែកគ្នា ។
តាមព័ត៌មានអោយដឹងទៀតថា នៅព្រឹកថ្ងៃទី០៦ ខែមេសា ស្នងការរង នគរបាលរាជធានីភ្នំពេញម្នាក់ក៍បានចុះទៅណែនាំអោយរើចេញទៅកន្លែងថ្មី។មន្ត្រីនគរបាលដែលមានឈ្មោះនៅប៉ុស្តិ៍ចំនួន១៥នាក់ ដែលអ្នកចាស់បានចំណែក២០០០ដុល្លារ និងអ្នកថ្មីបាន១៥០០ដុល្លារ ។ដោយឡែកនគរបាល ២នាក់ ក្នុងចំណោម ១៥នាក់ ដែលអះអាងថាលោកអធិការអោយទៅធ្វើការនៅអធិការដ្ឋានពំុបានលុយកំពុងតែវ៉ាព្រោះមានឈ្មោះតែមេប៉ុស្តិ៍ថាបាត់មុខ។ក្រៅពីនោះ អតីតនគរបាល ប៉ុស្តិ៍ ទឹកថ្លា ដែលចូលនិវត្តន៍ ព្រមទាំងនគរបាល ដែលទើបតែចាក់ចេញមានប្រតិកម្មយ៉ាងខ្លាំងផង ដែរ។
តាមមន្រ្តីនគរបាលមួយរូបសូមមិនបញ្ចេញឈ្មោះ បានអោយដឹងថា ស្នាក់ការនគរបាលប៉ុស្តិ៍ទឹកថ្លា ត្រូវបានគេ រត់ការលក់តាមរយះក្រសួងមហាផ្ទៃហើយ ត្រូវគ្នា នៅក្នុងកំឡុងដើមឆ្នាំ ២០១៨ ហើយ ក៍បានរៀបចំទិញដីថ្មីនិងធ្វើស្នាក់ការថ្មី ។
តាមព័ត៌មានអោយដឹងទៀតថា កាលពីលក់ មន្រ្តីនគរបាលមួយចំនួន មិនទាន់ផ្លាស់ចេញនិងមួយចំនួន ទៀត មិនទាន់ចូលនិវត្តិន៍នោះទេ គួរ ក្រុមហ៊ុន ក៍ដូចថ្នាក់លើមើលមិនឃើញ នោះទេព្រោះពួកគាត់ បានធ្វើការ ថែរក្សានៅប៉ុស្តិ៍ ទឹកថ្លា ទាំងពីកំឡុង ឆ្នាំ ១៩៩៣មកម្លេះ។
លោកវរៈសេនីយ៍ឯក ហួរ ម៉េង វ៉ាង អធិការនគរបាលខណ្ឌសែនសុខ បានអោយនៅព្រឹកថ្ងៃទី០៨ខែមេសានេះថា ស្នាក់ការប៉ុស្តិ៍ថ្មី ត្រូវបានគេប្រគល់អោយនគរបាលនគរបាលប៉ុស្តិ៍ទឹកថ្លាហើយ ចំណែកការដោះស្រាយលោកពុំដឹងនោះទេ៕
