ភ្នំពេញ ៖ លោកវរៈសេនីយ៍ឯក ជឹម ស៊ីថា អធិការខណ្ឌដង្កោ បានបញ្ជាក់អោយដឹងថា នៅវេលាម៉ោង១១ ថ្ងៃទី២៤ ខែមិថុនា ឆ្នាំ២០១៩ មានប្រជាពលរដ្ឋបានរាយការណ៏ដល់សមត្ថកិច្ចមូលដ្ឋានថា មានជនសង្ស័យមួយក្រុមបានប្រមូលផ្តុំគ្នាដោះដូរស្លាកលេខម៉ូតូនៅចំនុចផ្ទះមួយកន្លែងស្ថិតនៅផ្លូវបេតុង ភូមិខ្វាខាងលិចសង្កាត់ដង្កោខណ្ឌដង្កោ។
ខណៈពេលទទួលបានព័ត៍មាននេះភ្លាម លោកអនុសេនីយ៍ឯក តុន តូនី នាយប៉ុស្តិ៍នគរបាលរដ្ឋបាលប៉ុស្តិ៍ដង្កោ ក៏បានរាយការណ៏ជូលលោកអធិការរួចក៏បានសហការគ្នាដឹកនាំកម្លាំងចុះទៅធ្វើការស្រាវជ្រាវនៅចំនុចផ្ទះខាងលើ និងធ្វើការឡោមពទ្ធ័ឆែកឆេភ្លាមៗកិច្ចប្រត្តិបត្តិការខាងលើនេះ សមត្ថកិច្ចបានរកឃើញដាវសាំម៉ារ៉ៃចំនួន៣ដើម ថ្នាំញៀនមួយកញ្ចប់ធំ ជញ្ជីងសម្រាប់ថ្លឹងគ្រឿងញៀន ចំនួន១ ស្លាកលេខម៉ូតូ៣បន្ទះ ម៉ូតូចំនួន៧គ្រឿង ក្នុងនោះដែរក៏មានម៉ូតូមួយគ្រឿងដែលក្រុមជនសង្ស័យខាងលើ បានវាយប្លន់ពីយុវជនម្នាក់ កាលពីយប់ថ្ងៃទី២៣ ខែមិថុនា ឆ្នាំ២០១៩ នៅចំនុចផ្លូវបេតុងភូមិទួលពង្រ សង្កាត់ចោមចៅទី១ ខណ្ឌពោធិសែនជ័យ។
ក្រោយពេលឃាត់ខ្លួនជនសង្ស័យទាំ៩នាក់ សមត្ថកិច្ចក៏បានឃាត់ខ្លួនបញ្ជូនទៅធ្វើការសាកសួនៅប៉ុស្តិ៍នគរបាលរដ្ឋបាលសង្កាត់ដង្កោ។
បច្ចុប្បន្នជនសង្ស័យទាំ៩នាក់ខាងលើត្រូវបានឃុំខ្លួនបណ្តោះអាសន្ននៅអធិការដ្ឋាននគរបាលខណ្ឌដង្កោ ដើម្បីកសាងសុំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមនីតិវិធី៕
