ក្រុមហ៊ុនរបស់ស្វីសចំនួន៦ ចាប់អារម្មណ៍វិនិយោគនៅកម្ពុជាលើវិស័យសុខាភិបាល និងថាមពល
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 6 July, 2019 ក+ ក-

ភ្នំពេញ ៖ នាយករដ្ឋមន្ត្រីនៃព្រះរាជាណាចក្រកម្ពុជា សម្ដេចតេជោ ហ៊ុន សែន បានទទួលជួបពិភាក្សា ការងារជាមួយតំណាងក្រុមហ៊ុនវិនិយោគអន្តរជាតិចំនួន៦ កាលពីម្សិលម៉ិញនាទីក្រុងហ្សឺណែវ ប្រទេស ស្វីស។ តំណាងក្រុមហ៊ុនទាំង៦ បានបង្ហាញបំណងក្នុងការវិនិយោគលើវិស័យនានានៅកម្ពុជា ពិសេស លើវិស័យថាមពល សុខាភិបាល និងបច្ចេកវិទ្យា។

តំណាងក្រុមហ៊ុនអន្តរជាតិបានលើកឡើងពីការរីកចម្រើននៅក្នុងប្រទេសកម្ពុជា ពិសេសកំណើនសេដ្ឋកិច្ច ធ្វើអោយក្រុមហ៊ុនរបស់លោក មានការចាប់អារម្មណ៍ចង់មកធ្វើការវិនិយោគ ទៅ លើវិស័សុខាភិបាល ជាពិសេសមានបំណងចង់កសាងមន្ទីរពេទ្យថ្មី និងមជ្ឈមណ្ឌលថែទាំសុខភាព នៅក្នុងប្រទេសកម្ពុជា។ជាពិសេសទៅទៀត ពួកគាត់ក៏មានការចាប់អារម្មណ៍ទៅលើវិស័យថាមពល វិស័យបច្ចេកវិទ្យាផងដែរ។ តំណាងក្រុមហ៊ុន បានគូសបញ្ជាក់ថា គាត់បានរៀបចំគម្រោងរួចហើយ ទាក់ទងនឹងវិស័យសុខាភិបាល ដែលគាត់បានរៀបចំនូវគម្រោងវិនិយោគលើទឹកប្រាក់ប្រមាណ ជា ប្រមាណជា៤០លានដុល្លារ។ លើសពីនេះទៅទៀត គាត់មានបំណងចង់ចូលរួម ក្នុងការបណ្ដុះ បណ្ដាល និងកសាងសមត្ថភាពលើវិស័យសុខាភិបាល នេះផងដែរ។

សម្តេចបានគូស បញ្ជាក់ថាកន្លងទៅនេះ ប្រជាជនកម្ពុជាតែងតែទៅព្យាបាលនៅឯក្រៅប្រទេសដូចជា ប្រទេស វៀតណាម ប្រទេសថៃ និងប្រទេសសិង្ហបុរីជាដើម។ សម្តេចតេជោបានបញ្ជាក់បន្ថែមថា ប្រសិន បើមានអ្នកវិនិយោគទៅដាក់ទុនលើវិស័យសុខាភិបាលនៅឯប្រទេសកម្ពុជានោះ វាជារឿងល្អ ដោយ សារអាចផ្ដល់សេវាផ្នែកសុខាភិបាល នេះ ដល់ប្រជាពលរដ្ឋខ្មែរ និងអាចមានជំនឿទុកចិត្តពីប្រជា ពលរដ្ឋខ្មែរផងដែរ។

សម្តេចតេជោ បានគូសបញ្ជាក់ផងដែរថា បច្ចុប្បន្ននេះដោយសារតែកម្ពុជា មានកំណើនភ្ញៀវទេសចរច្រើន ដូច្នេះវិស័យសុខាភិបាលដែលបង្កើតនៅប្រទេសកម្ពុជានោះ មិនត្រឹម តែសម្រាប់ព្យាបាលដល់ប្រជាពលរដ្ឋកម្ពុជា ប៉ុណ្ណោះទេ ក៏ប៉ុន្តែ អាចបំរើសេវាកម្ម ផ្នែកសុខា ភិបាលនៅដល់ភ្ញៀវទេសចរដែលមកទស្សនាប្រទេសកម្ពុជាផងដែរ។ សម្ដេចតេជោស្នើ ឲ្យក្រុម ហ៊ុនអ្នកវិនិយោគទាំងអស់ទៅសិក្សាក៏ដូចជាទៅទស្សនកិច្ចនៅក្នុងប្រទេសកម្ពុជា ដើម្បីធ្វើការ ពិភា ក្សា ការងារជាក់ស្ដែង និងដើម្បីអាចធ្វើការវិនិយោគ ក្នុងប្រទេសកម្ពុជាតែម្ដង លើវិស័យដែល មាន បំណងចង់វិនិយោគនោះនោះ ជាពិសេសលើផ្នែកបណ្ដុះបណ្ដាលធនធានមនុស្ស សម្ដេចបានមាន ប្រសាសន៍ថាប្រសិនបើអាចចាប់ជាដៃគូជាមួយសាលារៀន ដែលមានស្រាប់នៅប្រទេស កម្ពុជា ទាំង សាលារដ្ឋនិងសាលាឯកជនគឺកាន់តែប្រសើរ៕