ADB នឹងផ្ដល់ជំនួយបច្ចេកទេស លើការអនុវត្តកិច្ចគាំពារសង្គមនៅកម្ពុជា
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 24 July, 2019 ក+ ក-

ភ្នំពេញ ៖ ធនាគារអភិវឌ្ឍន៍អាស៊ី(ADB) នឹងផ្ដល់ជំនួយបច្ចេកទេសលើការអនុវត្តគម្រោង «មូលនិធិអភិវឌ្ឍន៍កិច្ចគាំពារសង្គម» នៅប្រទេសកម្ពុជា ដែលជាគម្រោងអភិវឌ្ឍន៍ធំមួយទៀតរបស់ខ្លួន ដើម្បីជួយអភិវឌ្ឍន៍ប្រទេសមួយចំនួន ក្នុងការអភិវឌ្ឍវិស័យការងារ បណ្ដុះបណ្ដាលវិជ្ជាជីវៈ និងការគាំពារសង្គម។

លោកស្រី Sri Werning Handayni ប្រធានក្រុមប្រឹក្សាអ្នកជំនាញផ្នែកអភិវឌ្ឍន៍សង្គមស្ដីពី ជំនួយបច្ចេកទេសផ្នែកគាំពារសង្គម របស់ធនាគារ ADB បានលើកឡើងថា មូលនិធិអភិវឌ្ឍកិច្ចគាំពារសង្គមនេះ គឺជាគម្រោងអភិវឌ្ឍន៍ថ្មីមួយទៀតលើវិស័យការងារ បណ្ដុះបណ្ដាលវិជ្ជាជីវៈ និងការគាំពារសង្គម ដែលADB បាននឹងកំពុងសិក្សានៅតាមប្រទេសចំនួន៦ ក្នុងនោះរួមមាន៖ ឥណ្ឌូនេស៊ី មីយ៉ាន់ម៉ា ទីម័រខាងកើត កម្ពុជា អ៊ូបេគីស្ថាន និងអាស៊ាបៃសង់។

នៅក្នុងជំនួបពិភាក្សាការងារជាមួយលោកបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ នៅទីស្ដីក្រសួង កាលពីថ្ងៃទី២៣ ខែកក្កដា ឆ្នាំ២០១៩ លោកស្រី Sri Werning Handayni បានស្នើសុំមតិយោបល់មួយចំនួនពីឯកឧត្តមបណ្ឌិតរដ្ឋមន្ត្រី ដើម្បីជាគន្លឹះក្នុងការអនុវត្តការសិក្សាលើគម្រោងខាងលើនេះ។

នាឱកាសនោះ លោកបណ្ឌិត អ៊ិត សំហេង បានផ្ដល់នូវអនុសាសន៍ ក៏ដូចជាមតិយោបល់មួយចំនួនទៅកាន់លោកស្រី Sri Werning Handayni ផងដែរ ដើម្បីជំរុញឱ្យការសិក្សាអនុវត្តលើគម្រោងនេះ ប្រព្រឹត្តទៅប្រកបដោយភាពជោគជ័យ។
លោកបណ្ឌិត បានស្នើឱ្យមានការសិក្សាលើការគាំពារសិទ្ធិ និងការរស់នៅរបស់ជនងាយរងគ្រោះ ជនចាស់ជរា ជនមានពិការភាព កុមារកំព្រាជាដើម។ ឯកឧត្តមបណ្ឌិតរដ្ឋមន្ត្រី ក៏ស្នើទៅកាន់លោកស្រីតំណាង ADB ឱ្យមានការគិតគូរលើនិរន្តរភាពហិរញ្ញវត្ថុនៃកិច្ចគាំពារសង្គមនេះផងដែរ។

លោកបណ្ឌិត អ៊ិត សំហេង បានចាត់ក្រុមការងាររបស់បេឡាជាតិរបបសន្តិសុខសង្គម និងអគ្គនាយកដ្ឋានអប់រំបណ្ដុះបណ្ដាលបច្ចេកទេស និងវិជ្ជាជីវៈ (TVET) ដែលធ្វើការងារលើវិស័យទាំងនោះស្រាប់ ឱ្យចូលរួមសហការជាមួយក្រុមការងាររបស់ធនាគារ ADB សំដៅធ្វើយ៉ាងណាឱ្យការងារនេះទទួលបានលទ្ធផលល្អ។
លោកស្រី Sri Werning Handayni បានយល់ព្រមទទួលយកអនុសាសន៍ និងសំណើទាំងឡាយរបស់ ឯកឧត្តម រដ្ឋមន្ត្រី ដើម្បីយកទៅអនុវត្តលើការសិក្សាគម្រោងរបស់ខ្លួន។

សូមបញ្ជាក់ថា ជំនួយបច្ចេកទេសនេះត្រូវបានអនុវត្តនៅក្នុងប្រទេសចំនួន៣ រួមមាន៖ ឥណ្ឌូនេស៊ី មីយ៉ាន់ម៉ា និងទីម័រខាងកើត ហើយប្រទេស៣បន្ទាប់ ដែលគ្រោងនឹងផ្តល់ជំនួយបច្ចេកទេសនេះ រួមមាន៖ កម្ពុជា អាស៊ាបៃសង់ និងអ៊ូបេគីស្ថាន៕

អត្ថបទ​ផ្សេងៗ​ទៀត
  • រដ្ឋមន្ត្រីក្រសួងសុខាភិបាល បានអញ្ជើញជាអធិបតីក្នុងទិវាជាតិប្រយុទ្ធនឹងជំងឺគ្រុនចាញ់នៅខេត្តពោធិ៍សាត់
  • គណបក្សប្រជាជនបដិវត្តន៍ឡាវនិងគណបក្សប្រជាជនកម្ពុជា ឯកភាពបន្តពង្រឹងការទំនាក់ទំនងមិត្តភាពនិងកិច្ចសហប្រតិបត្តិ
  • ទាមទារដុតផ្ទះអ្នកស្លាប់ចោលព្រោះតែអបិយជំនឿ
  • ហ្វូងដំរីព្រៃបានចាប់បោកស្ត្រីអ្នកភូមិបណ្ដាលឲ្យស្លាប់
  • សម្តេចធិបតី បញ្ជាក់ថា ការវិនិយោគលើវិស័យសុខាភិបាលគឺមិនថយដៃនោះឡើយ
  • ពិធីរាំបេះ “ផ្កាកកោះ” ជាប្រពៃណីមួយរបស់អ្នកស្រុកស្វាយចេក ខេត្តបន្ទាយមានជ័យ
  • ពលរដ្ឋនៅភូមិ ទន្សោងធ្លាក់ ស្រុកសំបូរ១៦នាក់បានពុលនំបញ្ចុក
  • អគ្គស្នងការនគរបាលជាតិ ស្នើឲ្យស្នងការនគរបាលតាមបណ្តាខេត្តធ្វើតេសរកសារធាតិញៀនលើមន្ត្រីរបស់ខ្លួន
  • សម្តេចធិបតី ហ៊ុន ម៉ាណែត ជំរុញឲ្យបន្តធ្វើកំណែទម្រង់ស៊ីជម្រៅលើគ្រប់វិស័យ ក្នុងកងយោធពខេមរភូមិន្ទ
  • រយៈពេលបីថ្ងៃចូលឆ្នាំភ្ញៀវជាតិនិងអន្តរជាតិនាំគ្នាមកលេងខេត្តកំពង់ចាមច្រើនជាងបណ្ដាខេត្តនិងរាជធានីផ្សេងទៀត
  • សង្ក្រាន្តឆ្នាំថ្មីរយៈពេល៤ថ្ងៃនៅស្វាយរៀងភ្ញៀវទេសចរនិងប្រជាពលរដ្ឋមកកម្សាន្តជាងកន្លះលាននាក់
  • សង្រ្កាន្តឆ្នាំថ្មីរយៈពេល៤ថ្ងៃ នៅខេត្តបន្ទាយមានជ័យប្រព្រឹត្តទៅល្អប្រសើរ
  • សម្តេចធិបតី នឹងចូលរួមថ្លែងសុន្ទរកថាក្នុងសន្និបាតរបស់គណៈកម្មការសេដ្ឋកិច្ចនិងសង្គមកិច្ចអាស៊ី-ប៉ាស៊ីហ្វិក
  • លោក មុំ អស្សនី និងភរិយា ថ្លែងអំណរគុណសម្តេចតេជោ ហ៊ុន សែន ដែលបានអភ័យទោសដល់ក្រុមគ្រួសាររបស់ខ្លួន
  • សារសម្លេងសម្តេចតេជោ ហ៊ុន សែន ផ្ញើជូនលោក មុំ អស្សនី ដែលជេរនិងប្រមាថ
  • លោក មុំ អស្សនី សូមការអភ័យទោសពីសម្តេចតេជោ ហ៊ុន សែន
  • សម្តេចតេជោ ហ៊ុន សែន ប្រកាសស្វាគមន៍ខ្មែរនៅអូស្ត្រាលី ដែលធ្លាប់ជេរសម្តេច និងបញ្ជាក់ពីគុណប្រយោជន៍មហាសាលព្រែកជីកហ្វូណន-តេជោ
  • ជនជាតិដើមភាគតិចនៅខេត្តមណ្ឌលគិរីរៀបចំសង្ក្រាន្តអបអរឆ្នាំថ្មី
  • រាជរដ្ឋាភិបាលផ្ដល់អំពូលសូឡា១ពាន់ដើម ដល់ឃុំកោះសូទិនដើម្បីបំភ្លឺតាមដងផ្លូវ
  • គណៈអភិបាលរាជធានីភ្នំពេញអញ្ជើញជូនដំណើរ កម្មករ កម្មការិនី និងប្រជាពលរដ្ឋឡើងរថយន្តក្រុងទៅស្រុកកំណើត