ហ៊ួ​ត ប៊ុន​គីម មេ​យោធា​ព្រំដែន​វរៈ​២០៤​ជួញ​ឈើ​ប្រណីត​ខុសច្បាប់ និង​បើក​បន​ល្បែង​ដ៏​ធំ​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 3 July, 2015 ក+ ក-

​ខេត្តក្រចេះ ៖​ក្នុងចំណោម​ឈ្មួញ​ឈើ​ខុសច្បាប់​ក្នុង​ខេត្ត​នេះ លោក ហ៊ួ​ត ប៊ុន​គីម ក៏​ជា​ជន​ដ៏​សកម្ម​ម្នាក់​ក្នុង​មុខរបរ​ជំនួញ​ឈើ​ប្រណីត​ខុសច្បាប់​ប្រចាំខេត្ត​ពីរ គឺ​ខេត្តក្រចេះ និង​ខេត្ត​មណ្ឌល​គី​រី ដោយ​ប្រើ ប្រាស់​ឥទ្ធិពល​របស់ខ្លួន​ជា​មេបញ្ជាការ​វរ​ការពារ​ព្រំដែន​ដើម្បី​រារាំង​សមត្ថកិច្ច​ជំនាញ​គ្រប់ផ្នែក​។​នេះ បើយោងតាមការបញ្ជាក់របស់មន្ត្រី មូលដ្ឋាននៅស្រុកស្នួល។

​តាម​សេចក្តីរាយការណ៍​ពី​ខេត្តក្រចេះ បាន​បញ្ជាក់ថា លោក ហ៊ួ​ត ប៊ុន​គីម​គឺ ជា​មេបញ្ជាការ កងអនុសេនាធំ​លេខ​៣ ចំណុះ​ឲ្យ​វរៈ​ការពារ​ព្រំដែន​២០៤ ប្រចាំ​ស្ថិតនៅ​ឃុំ​២​ធ្នូ ស្រុក​ស្នួល​ខេត្តក្រចេះ​។​ក្រៅពី​តួនាទី​ជា​សម​ត្ត​កិច្ច​យោធា​ដែលមាន សក្តិ​តូចតាច តែ​អ្វីដែល​លោក​អនុ​សេនីយ៍ ហ៊ួ​ត ប៊ុន​គីម មានអំណាច​នោះ​គឺ​គាត់​ជា​ឈ្មួញ​ឈើ​ប្រណីត​ដ៏​ធំ​ម្នាក់​នៅក្នុង អាណាចក្រ​ខេត្តក្រចេះ និង​មណ្ឌល​គី​រី​។​

​ប្រភព​បន្តថា ឈ្មោះ ហ៊ួ​ត ប៊ុន​គីម បានរួម​គំនិត​ជាមួយ​ឈ្មោះ ជាប់ សារឿន ជា​យោធា​យោធភូមិភាគ​ទី​២ ដែល​គេ​ដឹងថា ជា​កូនចៅ​របស់​បុរស​ម្នាក់​មាន​រហ​ស្ស​នាម​ថា តា​០៧០ ជា​នាយទាហានជាន់ខ្ពស់​នៅ​តំបន់​នោះ  នាំ​ឈើ​ប្រណីត​ចេញទៅ​ស្រុក​យួន យ៉ាងសកម្ម និង​ល្បីល្បាញ ​ព្រោះមិនដែល​មាន​នរណា​ហ៊ាន​ក្អក​ជាមួយ​ទេ យ៉ាងច្រើន​ស្កាត់​ទៅសុំ​លុយ​ចាក់​សាំង​ប៉ុណ្ណោះ​។​

ប្រភព​បន្តទៀតថា ហ៊ួ​ត ប៊ុន​គីម បាន​ចាត់តាំង​ឲ្យ​សាច់ញាតិ​របស់ខ្លួន​ចេញមុខ​ប្រមូល​ទិញ​ឈើ ដើម្បី​ដឹកចេញទៅ​លក់​នៅ​ស្រុក​យួន យ៉ាង​គគ្រឹកគគ្រេង មិនដែល​ខ្វល់ខ្វាយ​ពីបទ​បញ្ជា​របស់​ថ្នាក់លើ​ក្នុងការ​បង្ក្រាប​បទល្មើស​រកស៊ី​ដឹកជញ្ជូន​ឈើ​ខុសច្បាប់​នោះឡើយ​។​សូម្បីតែ​មន្ត្រី​ជំនាញ រដ្ឋបាល​ព្រៃឈើ និង​នគរបាល​ការពារ ព្រំដែន​តាម​វរៈ​នានា ឬ​សមត្ថកិច្ច​ក៏​មិនដែល​ហ៊ាន​ហើបមាត់​អ្វី​ទាំងអស់ ព្រោះ​ក្រៅពី​អាង​បក្ខ​ពួកលោក ហ៊​ត ប៊ុន​គីម បាន​បែងចែក​ផលប្រយោជន៍​ជាប់​ជាប្រចាំ​ដើម្បី​កុំ​ឲ្យ​រំខាន​ដល់​ការរកស៊ី​ដឹកជញ្ជូន​ឈើ​ខុសច្បាប់ ទ្រង់ទ្រាយ​ធំ​របស់គាត់​ជាពិសេស គឺ​លោក គង់ គឹម​នី អភិបាលស្រុក​ស្នួល​តែម្តង​។

​សេចក្តីរាយការណ៍​មួយ​ពី​មន្ត្រី​ជំនាញ​បាន​ឲ្យ​ដឹងថា ចាប់តាំងពី​ល្ងាច​ថ្ងៃទី ២៩​ខែមិថុនា​២០១៥ រហូតមកដល់​ល្ងាច​ថ្ងៃទី​០១​កកដ្ដា ២០១៥ គេ​ឃើញ​មាន​រថយន្ដ​យួន​ខ្នាត​ធំ​២​មិនតិចជាង​៦០​គ្រឿង​នោះទេ ចូលមក​ទឹកដី​ខ្មែ ដោយ​ខុសច្បាប់​តាម​ច្រករបៀង ងាំ​៦២ ក្នុងភូមិ​ត្រពាំង​ក្រញូង ឃុំ​ពីរ​ធ្នូ ស្រុក​ស្នូល​ខេត្តក្រចេះ ដែលជា​ទីតាំង​ឈរជើង​ត្រួតត្រា​ដោយ​ឈ្មោះ ហ៊ួ​ត ប៊ុន គីម យ៉ាង​គគ្រឹកគគ្រេង​។​

​ម​ន្រី​រូប​នោះបាន​បន្តថា ក្បួន​រថយន្ដ​ទាំង​នោះបាន​ដឹកឈើ​ចេញ​នៅ​យប់ ថ្ងៃទី​១ និង​ទី​២​កក្កដា​២០១៥ កន្លងមកនេះ ដោយ​ដឹក​ចេញពី​តំបន់​ព្រៃ​កា​ពារ និង​អភិរក្ស​ជីវចម្រុះ​សីមា​។​ប៉ុន្តែ​ដោយសារ​បែកការណ៍​ដល់​បណ្តាញ​ផ្ស​ព្ធ​ផ្សាយ​ព័ត៌មាន ទើប​លោក មាឃ វុទ្ធី ប្រធាន​អភិរក្ស​ចំរុះ​កែវ​សីមា ប្រាប់​ឲ្យ​រថយន្ត​ប្រមាណ​៤០​គ្រឿង​នោះ​បក​ចូលទៅ​ស្រុក​យួន​វិញ​ព្រោះ​គ្មាន​ចំណាត់ការ​ថ្មី​ពី​លោក ហ៊ួ​ត ប៊ុន​គីម ។ មិនដឹងថា​លោក សរ ចំ​រ៉ុង ចៅហ្វាយ​ខេត្តក្រចេះ​ជ្រាប​ករណីនេះ​ដែរ​ឬ​អត់​នោះទេ​?​។ ។​គេ​មិនដឹងថា​តើ​ឈ្មោះ​ហ៊ួ​ត​ប៊ុន​គីម​នេះ​អាង​ស្អី​ទេ​ដែល​ហ៊ាន​បើកដៃ​ឲ្យ​ឡាន​យួន​ចូល​ស្រុក​ខ្មែរ​មក​ដឹកឈើ​ដោយ​ខុសច្បាប់​យ៉ាង​គគ្រឹក​គ​គ្រង​បែបនេះ ?​។​

​មន្ត្រី​មូលដ្ឋាន​មួយរូប​បាន​រំលឹក​ពី​ហេតុការណ៍​ថា កាលពី​វេលា​ម៉ោង​៩ និង​១៩​នាទី​យប់ ថ្ងៃទី​៣០ មិថុនា ២០១៥ កន្លងមកនេះ​នៅ​ចំណុច​មុខ​ក្រុមហ៊ុន​ប៊ិ​ញ​ហ្វឿ​ក​១​របស់​ឧកញ៉ា​ម្នាក់ ស្ថិតនៅក្នុង​ភូមិសាស្ត្រ​ឃុំ​ស្រែ​ព្រះ ស្រុក​កែវ​សីមា ខេត្តមណ្ឌលគិរី ជាប់​ព្រំប្រទល់​ស្រុក​ស្នួល ខេត្តក្រចេះ​មាន​ហេតុការណ៍​ប៉ះទង្គិច​គ្នា​មួយ​រវាង​យោធា​វរៈ​១ ខេត្តមណ្ឌលគិរី និង​យោធា​វរៈ​២០៤ ខេត្តក្រចេះ​។​ប្រភពព័ត៌មាន​បានឱ្យ​ដឹងថា មុនពេល​មានការ​ប៉ះទង្គិច​គ្នា​រវាង​យោធា​ទាំង​២​ក្រុម​នេះ​កើតឡើង ក្រុម​យោធា​វរៈ​១ ខេត្តមណ្ឌលគិរី បាន​ចាប់​ឡាន​ដឹកឈើ​១​គ្រឿង រួមជាមួយ​ជនជាតិ​វៀតណាម​៤​នាក់ នៅ​ចំណុច​មុខ​ក្រុមហ៊ុន​ប៊ិ​ញ​ហ្វឿ​ក​១ ហើយក៏​ត្រូវបាន​យោធា​កងអនុសេនាធំ​លេខ​៣ ចំណុះឱ្យ​យោធា​វរៈ​២០៤​ខេត្តក្រចេះ ប្រដាប់​ដោយ​អាវុធ​វែង​ខ្លី​មក​ភ្ជង់​រំដោះ​ទាំង​ឡាន​ដឹកឈើ ទាំង​ជនជាតិ​វៀតណាម​៤​នាក់​យកទៅ​បាត់ ។​

តាម​ការ​ឲ្យ​ដឹង​ពី​សមត្ថកិច្ច​មូលដ្ឋាន​មួយរូប​សុំ​មិន​បញ្ចេញ​ឈ្មោះ​បានឱ្យដឹងថា ហេតុការណ៍​ខាងលើនេះ​គឺជា​ករណី​ជួញដូរ​ឈើ​ខុសច្បាប់ ដែលមាន​មេ​ឈ្មួញ​ធំៗ​នៅ​តំបន់​កា​បី ស្ថិត​ក្នុងភូមិ​ក្រញូង​សែន​ជ័យ ឃុំ​២​ធ្នូ ស្រុក​ស្នូល ខេត្តក្រចេះ បានធ្វើការ​ដឹកជញ្ជូន​ឈើ​ពី​ចំណុច​ក្រុម​ប៊ិ​ញ​ភ្វឿ​ក​១ ក្នុងស្រុក​កែវ​សីមា ចេញ​តាម​ច្រក​ផ្លូវ TTV ឆ្ពោះទៅ​ព្រំដែន​វៀតណាម ដើម្បី​លក់​ចេញ​ឲ្យ​ថៅកែ​ធំ ។​

​ក្រៅពី​ជា​ទាហាន និង​ជា​ថៅកែ​ឈើ​ដ៏​ល្បីឈ្មោះ​ប្រចាំ​តំបន់​ព្រំប្រទល់ ខេត្តមណ្ឌលគិរី​ និង​ខេត្តក្រចេះ លោក ហ៊ួ​ត ប៊ុន​គីម ក៏មាន​បើក​សង្វៀន​បញ្ជល់មាន់​មួយកន្លែង​ដ៏​ធំ​ស៊ី​សងលុយ​មួយគូៗ រាប់​​សិប​លាន​រៀល នៅក្នុង​ចម្ការកៅស៊ូ​ក្រោយ​ផ្ទះ​របស់ខ្លួន ជិត​ផ្សា​រកា​បីទៀតផង ។​

​លោក ហ៊ួ​ត ប៊ុន​គីម មេគង្គ​ប៉ុស្តិ៍ មិនអាច​ទាក់ទង​សុំ​ការឆ្លើយតប​ចំពោះ​ការរិះគន់​ដូចខាងលើ​បានទេ ចំណែក​លោក គង់ គឹម​នី អភិបាលស្រុក​ស្នួល និង​លោក មាឃ វុទ្ធី ប្រធាន​អភិរក្ស​ចំរុះ​កែវ​សីមា ក៏​មិនអាច​សុំ​ការបកស្រាយ​បានដែរ កាលពី​ព្រឹក​ថ្ងៃទី​២ កក្កដា ឆ្នាំ​២០១៥ កន្លងមកនេះ ។​
​ប្រជាពលរដ្ឋ​បាន​រិះគន់ថា មិនដឹងជា​មន្ត្រី​ជំនាញ​រដ្ឋបាល​ព្រៃឈើ ជាពិសេស​លោក គង់ គឹម​នី អភិបាលស្រុក​ស្នួល ទទួលបាន​ផលប្រយោជន៍ ដែល​លោក ហ៊ួ​ត ប៊ុន​គីម បន្តក់​ឲ្យ​ក្នុង​មួយខែៗ ប៉ុន្មាន នោះទេ ទើប​អាច​រក្សា​ភាព​ស្ងៀមស្ងាត់ បិទ​ភ្នែក​បិទ​ត្រចៀក ទុក​ឲ្យ​លោក ហ៊ួ​ត ប៊ុន​គីម និង ឈ្មោះ ជាប់ សារឿន  ធ្វើ​អ្វីៗ​តាមតែ​ទំនើងចិត្ត មិនដែល​គិតគូរ​ពី​ការ​បទបញ្ជា​ទប់ស្កាត់​បទល្មើស​ព្រៃឈើរ​បស់​ប្រមុខ​រាជ រដ្ឋាភិបាល​ដែល​ចាត់ទុកថា​ជា​បទឧក្រិដ្ឋ​នោះឡើយ​៕ដោយ​៖ណា​តូ​នី​កមនហ

កមនហ

azxds