ផ្តល់រ​ង្វាន់​៣០​លាន​ដុល្លារ សម្រាប់​ការចង្អុលបង្ហាញ​ពី​អ្នកបាញ់​ទម្លាក់​យន្តហោះ​MH17 ​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 18 September, 2014 ក+ ក-

ក្រុម​ស៊ើបអង្កេត​បានប្រកាស​ផ្តល់ប្រាក់​រង្វាន់ ៣០ លាន​ដុល្លារ សម្រាប់​ភស្តុតាង​មិនអាច​ប្រកែក​បាន ពី​ឧក្រិដ្ឋជន​ដែល​បាន​បាញ់​ទម្លាក់​យន្ត​ហោះហើរ MH17 របស់​ម៉ាឡេស៊ី ខណៈ​យន្តហោះ​នោះ​កំពុង​ហោះ​ឆ្លង កាត់​ពីលើ​ព្រំប្រទល់​ប្រទេស​អ៊ុយ​ក្រែ​ន​-​រុស្ស៊ី ។​
​នេះ​គឺជា​ប្រាក់រង្វាន់​ដែលមាន​ចំនួន​ច្រើនជាង​ប្រាក់រង្វាន់​ដែល​សហរដ្ឋ អាមេរិក​ធ្លាប់បាន​ប្រកាស​ផ្តល់​ឲ្យ​អ្នកណា​ដែល​បានដឹង​ព័ត៌មាន​ពី​កន្លែង​លាក់ខ្លួន​របស់​មេ​ភេរវ​ករ​អាល់​កៃ​ដា អូ​សា​ម៉ា ប៊ី​ឡា​ដិ​ន ក្នុងតម្លៃ​តែ ២៥ លាន​ដុល្លារ​ទៅទៀត ។​
​គួរ​រម្លឹក​ផងដែរ​ថា ជើងហោះហើរ​របស់​ម៉ាឡេស៊ី MH17 នេះ ត្រូវបាន​ជួប​គ្រោះ​ថា្នក់​ធ្លាក់​នៅក្នុង​ទឹកដី​អ៊ុយ​ក្រែ​ន កាលពី​ខែកក្កដា កន្លងមកនេះ ដែល​បានសម្លាប់​អ្នកដំណើរ​ទាំងអស់ ២៨៣ នាក់ និង​ក្រុម​សមាជិក​អាកាសយានិក ១៥ នាក់ ។​
​នៅពេលនោះ បណ្តា​មេដឹកនាំ​លោកខាងលិច បាន​ជឿថា យន្តហោះ​នេះ ត្រូវបាន​បាញ់​ទម្លាក់​ដោយ​គ្រាប់​មី​ស៊ី​ល របស់​ពួកក្រុម​ឧទ្ទាម​គាំទ្រ​រុស្ស៊ី ស្ថិតនៅ​ភាគ​ខាងកើត​ប្រទេស​អ៊ុយ​ក្រែ​ន ។តាមរបាយការណ៍​ជំហាន​ដំបូង​មួយរបស់​ក្រុមប្រឹក្សា​សុវត្ថិភាព​ហូ​ឡង់ក៏​ស្រប​ជាមួយគ្នា​នោះដែរ ។

ទោះជាយ៉ាងនេះក្តី រហូតមកទល់​ពេលនេះ លទ្ធផលនៃការស្វែងរក ភស្តុតាង​នៃ​ឧក្រិដ្ឋជន​ដែល​បាន​បាញ់​មី​ស៊ី​ល​ប្រល័យ MH17 នេះ គឺ​ពុំទាន់​ត្រូវបាន​បញ្ចេញ​នៅឡើយ ៕

Untitled-1Untitled-1Untitled-1Untitled-1Untitled-1