កម្ពុជា​ឈ្នះមេដាយមាសមួយគ្រឿងទៀតហើយ​​​នៅ​ស៊ី​ហ្គេមលើវិញ្ញាសាប៉េតង់​នារី​​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 5 December, 2019 ក+ ក-

ម៉ានីល ៖ អបអរសាទរ​! ក្រុមកីឡា​ការិនី​ប៉េតង់​កម្ពុជា ឈ្នះ​មេដាយមាស ១​គ្រឿង​នៅ​ព្រឹត្តិការណ៍​ស៊ី​ហ្គេម​លើក​ទី​៣០ នៅ​ប្រទេស​ហ្វីលីពីន​ក្រោយ​ឈ្នះ​ម៉ាឡេស៊ី​ក្នុង​លទ្ធផល ១៣-៤​ពិន្ទុ​។​

​ក្រុមកីឡា​ការិនី​ប៉េតង់​កម្ពុជា ដណ្តើមបាន​មេដាយមាស ១​គ្រឿង ក្នុង​វិញ្ញាសា ៣​នាក់​ទល់នឹង​៣​នាក់ រួមមាន ស្រ៊ាង សុរ៉ា​ឃីម​, ដួង ឌី​ណា និង​កីឡាការិនី អ៊ុន ស្រី​យ៉ា។

​គួរបញ្ជាក់​ផងដែរ​ថា នេះ​គឺជា​មេដាយមាស លើក​ទី​២ របស់​កម្ពុជា​ដែល​ដណ្តើមបាន​នៅ SEA Games លើក​ទី​៣០ ឆ្នាំ​២០១៩ ដែលមាន​ហ្វីលីពីន​ធ្វើ​ម្ចាស់ផ្ទះ បន្ទាប់ពី​កីឡា​គុន​ល្បុក្កតោ ដណ្តើមបាន​មេដាយមាស ១​គ្រឿង​ដែរ​កាលពីដើម​សប្តាហ៍ ដោយ​ពេលនេះ​កម្ពុជា ឈ្នះ​មេដាយ​សរុប​កើន​ដល់ ២២​គ្រឿង​ហើយ​រួមមាន មាស​២ ប្រាក់​៣ និង​សំរិទ្ធ​១៧​គ្រឿង​៕