កងទ័ពស៊ីរីផ្លោងគ្រាប់ចំសាលារៀនមួយក្នុងខេត្ត Idlib បង្កឲ្យជនស៊ីវិល៨នាក់ស្លាប់
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 2 January, 2020 ក+ ក-

ស៊ីរី ៖ យ៉ាងហោចណាស់មានជនស៊ីវិល៨នាក់ត្រូវបានសម្លាប់កាលពីថ្ងៃពុធនៅក្នុងការវាយប្រហារដោយគ្រាប់រ៉ុក្កែតដោយកម្លាំងរដ្ឋាភិបាលស៊ីរីទៅលើសាលារៀនមួយកន្លែងនៅ Idlib ដែលជាទីតាំងរឹងមាំចុងក្រោយរបស់ក្រុមឧទ្ទាមស៊ីរី។ នេះបើតាមសារព័ត៌មាន Al Jazeera។

ទីភ្នាក់ងារការពារស៊ីវិលបាននិយាយថា ក្នុងចំណោមជនរគ្រោះទាំងអស់មាន០៤នាក់ជាកុមារ និងពីរនាក់ជាស្ត្រីផងដែរ ហើយបើតាមកងកម្លាំងមួកស ការវាយប្រហារខាងលើកើតមានឡើងចំពេលមានសិស្ស និងគ្រូបង្រៀនជាច្រើននាក់ កំពុងស្ថិតនៅក្នុងសាលារៀននៅឯទីក្រុង សាមីន (Sarmeen) នៃភាគពាយ័ព្យខេត្ត Idlib។ ក្រៅពីចំនួនអ្នកស្លាប់មនុស្ស ១៦នាក់ផ្សេងទៀតក៏បានរងរបួសផងដែរ តែខាងរដ្ឋាភិបាលស៊ីរី មិនទាន់អធិប្បាយអ្វីនៅឡើយទេ។

បច្ចុប្បន្នកងកម្លាំងរដ្ឋាភិបាលស៊ីរី ក្រោមការគំាទ្រពីយន្ដហោះចម្បាំងរុស្ស៊ី កំពុងវាយដណ្ដើមយកខេត្ត Idlib ពីក្រុមឧទ្ទាមមកវិញ។ បើតាមការឱ្យដឹងពីការិយាល័យអង្គការសហប្រជាជាតិ សម្រាប់ការសម្របសម្រួលកិច្ចការមនុស្សធម៌ (OCHA) ប្រជាជនស៊ីរីច្រើនជាង ២៣៥,០០០នាក់ បានភៀសខ្លួនចេញពីផ្ទះសម្បែងរបស់ពួកគេ នៅចន្លោះពីថ្ងៃទី១២ ដល់ថ្ងៃទី២៥ ខែធ្នូ ឆ្នាំ២០១៩។

សូមជម្រាបថា សង្រ្គាមស៊ីរីបានសម្លាប់ជីវិតមនុស្សច្រើនជាង ៣៧០,០០០នាក់ ចាប់តាំងពីវាផ្ទុះឡើងនៅឆ្នាំ២០១១ មកទល់នឹងដើមឆ្នាំ២០២០ ហើយគិតជាសរុប មនុស្ស ១១,២១៥នាក់ក្នុងនោះរួមមានកុមារជាង ១,០០០នាក់ ត្រូវបានសម្លាប់នៅក្នុងឆ្នាំ២០១៩ កន្លងទៅ បើទោះជារដ្ឋាភិបាល ប្រធានាធិបតី បាស្សា អាល់អាសាដ កំពុងគ្រប់គ្រងទឹកដីស្ទើរតែទាំងស្រុងឡើងវិញក៏ដោយ៕

 

 

 

 

 

អត្ថបទ​ផ្សេងៗ​ទៀត
  • សម្តេចធិបតី ណែនាំឱ្យអាជ្ញាធរគ្រប់លំដាប់ថ្នាក់ ណែនាំពលរដ្ឋបង្កើនការប្រុងប្រយ័ត្នចំពោះការប្រើប្រាស់ភ្លើង ដើម្បីបង្កាគ្រោះអគ្គិភ័យ
  • ខេត្តទាំង៦ ទទួលបានរង្វាន់ពីសម្ដេចធិបតី ជាខេត្តគ្មានគ្រោះថ្នាក់ចរាចរណ៍ក្នុងពេលបុណ្យចូលឆ្នាំថ្មី
  • កម្ពុជារកចំណូលបានជាង ១០០ លានដុល្លារពីការនាំ ចេញកៅស៊ូក្នុងត្រីមាសទី១
  • អភិបាលខេត្តមណ្ឌលគិរី ស្នើសុំដកតំណែងប្រធានមន្ទីរបរិស្ថានខេត្ត
  • ក្រសួងការងារបញ្ជាក់ទៅកាន់សភាពាណិជ្ជកម្មអឺរ៉ុបប្រចាំនៅកម្ពុជាអំពីការកែសម្រួលសេវាដើម្បីបង្កើនបរិយាកាសវិនិយោគ
  • កម្ពុជានិងស៊ែរប៊ី ប្ដេជ្ញាចិត្តបន្តជំរុញចំណងមិត្តភាព និងកិច្ចសហប្រតិបត្តិការឱ្យកាន់តែល្អប្រសើរ
  • បញ្ចប់ទស្សនកិច្ចនៅស្វីស ឯកឧត្តមអភិសន្តិបណ្ឌិត បន្តដឹកនាំគណៈប្រតិភូទស្សនកិច្ចនៅប្រទេសអាល្លឺម៉ង់
  • ស្វីសបន្តគាំទ្រកំណែទម្រង់វិមជ្ឈការនៅកម្ពុជានិងគម្រោងបណ្ដុះបណ្ដាលពង្រឹងសមត្ថភាពមន្ត្រីក្រសួងមហាផ្ទៃ
  • រដ្ឋមន្ត្រីក្រសួងសុខាភិបាល បានអញ្ជើញជាអធិបតីក្នុងទិវាជាតិប្រយុទ្ធនឹងជំងឺគ្រុនចាញ់នៅខេត្តពោធិ៍សាត់
  • គណបក្សប្រជាជនបដិវត្តន៍ឡាវនិងគណបក្សប្រជាជនកម្ពុជា ឯកភាពបន្តពង្រឹងការទំនាក់ទំនងមិត្តភាពនិងកិច្ចសហប្រតិបត្តិ
  • ទាមទារដុតផ្ទះអ្នកស្លាប់ចោលព្រោះតែអបិយជំនឿ
  • ហ្វូងដំរីព្រៃបានចាប់បោកស្ត្រីអ្នកភូមិបណ្ដាលឲ្យស្លាប់
  • សម្តេចធិបតី បញ្ជាក់ថា ការវិនិយោគលើវិស័យសុខាភិបាលគឺមិនថយដៃនោះឡើយ
  • ពិធីរាំបេះ “ផ្កាកកោះ” ជាប្រពៃណីមួយរបស់អ្នកស្រុកស្វាយចេក ខេត្តបន្ទាយមានជ័យ
  • ពលរដ្ឋនៅភូមិ ទន្សោងធ្លាក់ ស្រុកសំបូរ១៦នាក់បានពុលនំបញ្ចុក
  • អគ្គស្នងការនគរបាលជាតិ ស្នើឲ្យស្នងការនគរបាលតាមបណ្តាខេត្តធ្វើតេសរកសារធាតិញៀនលើមន្ត្រីរបស់ខ្លួន
  • សម្តេចធិបតី ហ៊ុន ម៉ាណែត ជំរុញឲ្យបន្តធ្វើកំណែទម្រង់ស៊ីជម្រៅលើគ្រប់វិស័យ ក្នុងកងយោធពខេមរភូមិន្ទ
  • រយៈពេលបីថ្ងៃចូលឆ្នាំភ្ញៀវជាតិនិងអន្តរជាតិនាំគ្នាមកលេងខេត្តកំពង់ចាមច្រើនជាងបណ្ដាខេត្តនិងរាជធានីផ្សេងទៀត
  • សង្ក្រាន្តឆ្នាំថ្មីរយៈពេល៤ថ្ងៃនៅស្វាយរៀងភ្ញៀវទេសចរនិងប្រជាពលរដ្ឋមកកម្សាន្តជាងកន្លះលាននាក់
  • សង្រ្កាន្តឆ្នាំថ្មីរយៈពេល៤ថ្ងៃ នៅខេត្តបន្ទាយមានជ័យប្រព្រឹត្តទៅល្អប្រសើរ