ភ្នំពេញ៖ ក្រុមគ្រួសារលោកនាយករដ្ឋ មន្ត្រី ហ៊ុន សែន និងលោក សម រង្ស៊ី បានទទួលទានអាហារពេលល្ងាច ជាលក្ខណៈគ្រួសាររួមគ្នា កាលពីព្រលប់ថ្ងៃសៅរ៍ ទី១១ ខែកក្កដា វេលាម៉ោង៧:០០ នៅសណ្ឋាគារ កាំបូឌីយ៉ាណា ។
នៅក្នុងពិធីទទួលទានអាហារ ជាលក្ខណៈមហាគ្រួសារ របស់អ្នកនយោយបាយជាន់ខ្ពស់ទាំងពីររួមមាន លោកនាយករដ្ឋមន្ត្រីហ៊ុន សែន លោកស្រី ប៊ុនរ៉ានី ហ៊ុន សែន ព្រមទាំងកូន៦នាក់ ក្នុងនោះកូនបង្កើត៤នាក់ និងកូនប្រសារ២នាក់ រីឯក្រុមគ្រួសារលោក សម រង្ស៊ី អមដោយភរិយារបស់លោក លោកស្រី ជូឡុង សូមួរ៉ា ព្រមទាំងកូន៣នាក់ ក្នុងនោះមានកូនប្រសារចូលរួមផងដែរ។
នៅក្នុងពិធីទទួលទានអាហារ ថ្នាក់ដឹកនាំកំពូលអ្នកទាំងពីរ ព្រមទាំងក្រុមគ្រួសារបានបង្ហាញនូវភាពស្និទ្ធស្នាលរាក់ទាក់ជាទីបំផុត ហើយក៏ជាការបង្ហាញឲ្យឃើញពីវប្បធម៌សន្ទនា កាលពីថ្ងៃទី២២ ខែកក្កដា ឆ្នាំ២០១៤ ដែលប្រធានបក្សទាំងពីរបានប្រកាន់យក។
ការជួបជុំពិសារភោជនាហារជាគ្រួសាររួមគ្នាបែបនេះ អាចចាត់ទុថាជាប្រវត្តិសាស្ត្ររបស់អ្នកនយោបាយខ្មែរ ព្រោះជាលើកទីមួយហើយដែលអ្នកនយោបាយធ្លាប់តែឈ្លោះគ្នាឥតប្រណី និងវាយប្រហារផ្តួលរំលំគ្នាក្នុងផ្លូវនយោបាយយ៉ាងស្រួចស្រាវនៅប្រទេសកម្ពុជា បង្កើតឡើងឲ្យមានជំនួបលក្ខណះមហាគ្រួសារ ដែលអាចបង្កឲ្យមានភាពកក់ក្តៅសម្រាប់បងប្អូនប្រជាពលរដ្ឋ៕ដោយ៖ខេរៈ
