វេជ្ជបណ្ឌិត​ចិន​ប្រើ​ឈាម​អ្នកជំងឺ​ដែលជា​សះស្បើយ ដើម្បី​ព្យាបាល​អ្នក​ផ្ទុក COVID-19
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 18 February, 2020 ក+ ក-

​ចិន ៖ វេជ្ជបណ្ឌិត​ចិន​បាន​និយាយ​កាលពី​ថ្ងៃ​ច័ន្ទ​ទី១៧ ខែកុម្ភៈ​ថា ​គ្រូពេទ្យ​នៅ​សៀង​ហៃ​កំពុង​ប្រើប្រាស់​ឈាម​ពី​មនុស្ស​ដែល​បានជា​សះស្បើយ​ពី​វីរុស​កូ​រ៉ូ​ណា ​(COVID-19) ដើម្បី​ព្យាបាល​អ្នក​ដែល​កំពុង​ផ្ទុក​វីរុស​ឆ្លង​នេះ​។​ នេះ​បើ​យោងតាម​ប្រភពពី CNA ។​

​អ្នកជំនាញ​សង្គ្រោះបន្ទាន់​ជាន់ខ្ពស់​ម្នា​ក់នៅ​អង្គការ​សុខភាព​ពិភពលោក (WHO)​បាន​និយាយ​នៅពេល​ក្រោយ​ថា ការប្រើប្រាស់​ឈាម​អ្នកជា​សេះ​ស្បើយ គឺជា​វិធីសាស្ត្រ​ដែលមាន​សុពលភាព​ខ្លាំងណាស់​ក្នុងការ​ធ្វើតេស្ត៍​ប៉ុន្តែ​វា​មាន​សារៈសំខាន់​ណាស់ ដើម្បី​ទទួលបាន​ពេលវេលា​ត្រឹមត្រូវ​ដើម្បី​បង្កើន​ភាពស៊ាំ​របស់​អ្នកជំងឺ​។​

​លោក​វេជ្ជបណ្ឌិត Mike Ryan ប្រធាន​កម្មវិធី​សុខភាព​របស់​អង្គការ​សុខភាព​ពិភពលោក​បាន​បញ្ជាក់ថា​ការប្រើប្រាស់​ឈាម​របស់​អ្នក​ទើប​ជាសះស្បើយ ដើម្បី​ព្យាបាល​លើ​អ្នកជំងឺ​គឺ​ធ្លាប់​បានបង្ហាញ​ពី​ប្រសិទ្ធភាព និង​ការជួយ​សង្គ្រោះ​ជីវិត​ប្រឆាំងនឹង​ជំងឺ​ដូចជា បានបង្ហាញ​ប្រសិទ្ធភាព និង​ការជួយ​សង្គ្រោះ​ជិវិត ជំងឺ​ឆ្កែឆ្កួត និង​ជំងឺ​រលាក​ផ្លូវដង្ហើម និង​សួត​។

​បើតាម​តួលេខ​ចុងក្រោយ​បញ្ចេញ​ដោយ​រដ្ឋាភិបាល​ចិន ចំនួន​អ្នកស្លាប់​ដោយសារ​វីរុស COVID-19 កើនឡើង​ដល់​ជិត ១,៨៦៨​នាក់ ខណៈ ៧២,៤៣៦​នាក់​ឆ្លង​នៅតាម​បណ្តា​ខេត្ត និង​តំបន់​ចំនួន​៣១​ទូទាំងប្រទេស​ចិន​៕