អ្នកទោសនៅ​​ថៃ​ផ្ទុះ​កុបកម្ម​ដោយសារ​ភ័យខ្លាច​ឆ្លង​ជំងឺ COVID-19
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 30 March, 2020 ក+ ក-

បាងកក ៖ អ្នកទោស​ក្នុង​ពន្ធនាគារ​មួយ​នៅ​ប្រទេស​ថៃ​បាន​ផ្ទុះ​កុបកម្ម​កាលពី​ថ្ងៃអាទិត្យ​ម្សិលមិញ ដោយសារតែ​អ្នកទោស​ភ័យខ្លាច​ពី​ការឆ្លង​រាលដាល​នៃ​ជ​ងឺ COVID-19 ខណៈ​មាន​អ្នកទោស​មួយចំនួន​បាន​រត់គេចខ្លួន​ក្នុងអំឡុងពេល​កុបកម្ម​កើតឡើង​ផងដែរ។ នេះ​បើ​យោងតាម​ការចុះផ្សាយ​រប​ស់​ទីភ្នាក់ងារ​បរទេស Reuters។​

​លោក ​សំ​សាក់ ថេប​ស៊ូ​ទីន (Somsak Thepsutin) រដ្ឋមន្ត្រីក្រសួង​យុត្តិធម៌​ថៃ បាន​គូសបញ្ជាក់ថា ការតវ៉ា​បានចាប់ផ្តើម​នៅ​ម៉ោង​ខ្ទង់១១ និង៤៥ នាទី​ព្រឹក​ថ្ងៃអាទិត្យ នៅក្នុង​សាល​អាហារ ខណៈពេលដែល​អ្នកយាម​កំពុង​ជាប់រវល់​ជួសជុល​បន្ទប់ សម្រាប់​ដាក់​អ្នកទោស​ដែលមាន​ជំងឺឆ្លង​មួយចំនួន​ដូចជា​ជំងឺ​ផ្តាសាយ​ជាដើម​។ ប៉ុន្តែនោះ​មិនមែនជា​ជំងឺ​កូ​វីដ​១៩ ទេ​។​

​លោក សំ សាក់​ថេប​ស៊ូ​ទីន បានបញ្ជាក់​បន្ថែមថា មាន​អ្នកទោស​ប្រមាណ ១០០ នាក់ បាន​ដុតបំផ្លាញ​សាល​អាហារ និង​បាន​វាយកម្ទេច​បន្ទប់​ទទួល​សាច់ញាតិ ដែល​មក​សួរ​សុខខ​ទុក្ខ​អ្នកទោស​។ ភ្លាមៗ​នោះ ប្រព័ន្ធ​ផ្សព្វផ្សាយ​ក្នុង​ស្រុកថៃ​ជាច្រើន បានបង្ហាញ​ពី​វីដេអូ​នៃ​ហេតុការណ៍​ខាងលើ៕