ភ្នំពេញ៖បុរសម្នាក់បានស្លាប់ដោយសារជំងឺខ្យល់គបង្កឲ្យមានការភ្ញាក់ផ្អើលទាំងព្រឹក ខណៈដែលក្មួយរបស់គាត់បានដាស់ឲ្យត្រឡប់ទៅស្រុកវិញកាលពីវេលាម៉ោង៦និង៥០នាទីព្រឹកថ្ងៃទី៣០ខែកក្កដាឆ្នាំ២០១៥នៅក្រុមទី១១ផ្ទះគ្មានលេខ ភូមិត្រពាំងឈូក សង្កាត់ទឹកថ្លា ខណ្ឌ សែនសុខ។
ប្រភពព័ត៌មានពីក្មួយៗរបស់សពបុរសខាងលើបានឲ្យដឹងថា បុរសដែលស្លាប់មានឈ្មោះ រិន តាប់ អាយុ៥០ឆ្នាំ មានស្រុកកំណើតនៅភូមិកណ្តាល ឃុំលំពងស្រុកបាទី ខេត្តតាកែវ ។នៅមុនពេលកើតហេតុ ក្មួយៗរបស់គាត់២នាក់ បានធ្វើដំណើរមកពីស្រុកដើម្បីរកទិញម៉ូតូ លុះទិញបានហើយដោយសារយប់ងងឹតពេកពុំអាចត្រត្រឡប់ទៅស្រុកវិញបាន ក៏មកសំរាកនៅផ្ទះរបស់ក្មួយដែលនៅចំនុចខាងលើ។ លុះព្រឹកឡើងក្មួយរបស់គាត់បានដាស់ឲ្យពូត្រឡប់ទៅស្រុវិញទើបដឹងថាពូរបស់ខ្លួនបានស្លាប់បាត់ទៅហើយមិនដឹងតាំងពីពេលណាមកទេ ។តាមការសន្និដ្ឌានជំហានដំបូងបានឲ្យដឹងថា សាកសពបុរសខាងលើស្លាប់ដោយសារខ្យល់គ ព្រោះនៅលើខ្លួនរបស់សាកសពពុំមានស្នាកស្នាមអ្វីនោះទេ។
សពបុរសខាងលើត្រូវបានប្រគល់ឲ្យក្រុមគ្រួសារសាច់ញាតិយកទៅធ្វើបុណ្យតាមប្រពៃណីនៅឯស្រុកកំណើត៕សាម
