បង្ក្រាប​ការលក់​ព្រហ្មចារី​យ៍​ក្មួយ​ស្រី​១​ពាន់​ដុល្លារ​ហើយ​ដាក់​ច្រវាក់​បង្ខាំង​ទុក​លក់​ម្តងម្កាល​ទៀត​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 4 August, 2015 ក+ ក-

​ភ្នំពេញ​៖​បុរស​វ័យ​កណ្តាល​ម្នាក់ និង​ស្ត្រី​២​នាក់ ត្រូវ​សមត្ថកិច្ច​ចម្រុះ​ខណ្ឌ​ឬ​ស្សី​កែវ​ឃាត់ខ្លួន​ពីបទ​ពាក់ព័ន្ធ​ការទិញ លក់​ពេស្យា​ចារនារី​វ័យ​ជំទង់​មិនទាន់​គ្រប់​អាយុ​តម្លៃ​មួយ​ពាន់​ដុល្លារ​។​

​លោក កែវ ធា នាយការិយាល័យ​ប្រឆាំង​ការជួញដូរ មនុស្ស និង​ការពារ​អនីតិជន នៃ​ស្នងការ​រដ្ឋា​ន​នគរបាល រាជធានី​ភ្នំពេញ បាន​ឲ្យ​ដឹង​នៅ​ព្រឹក​ថ្ងៃទី​០៤ ខែសីហា​នេះ​ថា សមត្ថកិច្ច​របស់​បាន​រួមសហការ​ជាមួយ​អាជ្ញាធរ​មូលដ្ឋាន​ខណ្ឌ​ឬ​ស្សី​កែវ ចុះ​ចាប់ខ្លួន​បុរស​ម្នាក់ និង ស្ត្រី​ជា​ម្តាយមីង​២​នាក់​ផ្សេងទៀត ពីបទ​បង្ខាំង និង​អូសទាញ​ពេស្យាចារ​កុមារ ។​

​ប្រភព​ដដែល​បន្តថា ជនល្មើស​ជា​ស្ត្រី​ម្តាយមីង​ទាំង​២ មានឈ្មោះ​ទី​១-​ជា ស្រស់ អាយុ​៣២​ឆ្នាំ និង​ទី​២ ឈ្មោះ ជា ទីណា អាយុ​២៧​ឆ្នាំ ត្រូវបាន​ឃាត់ខ្លួន​នៅ​រសៀល​ថ្ងៃទី​០៣ ខែសីហា ឆ្នាំ​២០១៥ ដោយ​ពួកគេ​បានរួម​គំនិត​គ្នា បង្ខំ និង​បង្ខាំង​ចាក់​ស្រ​វាក់​ក្មួយ​ស្រី​របស់ខ្លួន ដែលជា​ក្មេង​កំព្រា​ជនជាតិ​ខ្មែរឥស្លាម ឲ្យ​រួមភេទ​ជាមួយ​បុរស​ម្នាក់​ឈ្មោះ ឈឹម ឆៃលី អាយុ​៣៦​ឆ្នាំ (​ត្រូវ​ចាប់ខ្លួន​) ជា​ថ្នូរ​នឹង​ប្រាក់ ១០០០​ដុល្លារ​អាមេរិក​។​ចំ​ណែ​ល​នារី​រងគ្រោះ មានឈ្មោះ ជ​.​ណ​.​រ ទើបតែ​មាន​អាយុ​១៣​ឆ្នាំ​ប៉ុណ្ណោះ អ្នក​ទាំង​៤​នាក់​មាន​លំ​ដ្ឋា​ន​នៅក្នុង​ខណ្ឌឫស្សីកែវ រាជធានី​ភ្នំពេញ​។​

​មន្ត្រី​ដែល​ចូលរួម​ក្នុង ប្រតិបត្តិ​ការឆែកឆេរ​នេះ​បាន​បញ្ជាក់ថា កាលពីដើមឆ្នាំ​២០១៥ ម្ដាយមីង​របស់​ក្មេងស្រី​រងគ្រោះ​បាន​លួងលោម​ក្មួយ​ស្រី​របស់ខ្លួន​ដែលជា​ក្មេង​កំព្រា​យកទៅលក់​ខ្លួន​ឲ្យ​បុរស​ឈ្មោះ ឈឹម ឆៃលី បាន​ប្រាក់​ចំនួន​១.០០០​ដុល្លារ​។ ក្រោយមក ម្ដាយមីង​ទាំងពីរ​នាក់​បាន​លួងលោម​ក្មួយ​ស្រី​របស់ខ្លួន​ឲ្យ​ធ្វើជា​ស្រី កំណាន់​របស់​ឈ្មោះ ឈឹម ឆៃលី ទៀត តែ​ឈ្មោះ ជ​.​ណ​.​រ មិន​ព្រម ក៏ត្រូវ​ម្ដាយមីង​ចិត្ត​តិរច្ឆាន​ចាប់​ដាក់​ច្រវា​ក់ជើង​បង្ខាំង​ទុក​ក្នុង ផ្ទះ​រហូតមក ដើម្បី​លក់ខ្លួន​ឲ្យ​ឈ្មោះ ឈេ​ម ឆៃលី ម្ដងម្កាល​។ លុះដល់​ថ្ងៃទី​៣១ ខែកក្កដា ឆ្នាំ​២០១៥ ជនរងគ្រោះ​បាន​រើរួច​ពី​ច្រវាក់​របស់​ម្ដាយមីង ក៏​រត់​មករក​អ្នកជិតខាង​អោយ​ឲ្យ​ជួយ​នាំទៅ​សមត្ថកិច្ច​ដាក់ពាក្យ​ប្ដឹង​តែម្ដង​។​

​បច្ចុប្បន្ននេះ ក្រុម​ជនសង្ស័យ កំពុងធ្វើការ​សាកសួរ​នៅ​នគរបាល​កិរិយា​ល័យ​ប្រឆាំង​ការជួញដូរ​មនុស្ស ដើម្បី​កសាង​សំណុំរឿង​បញ្ជូន​ឡើង​តុលាការ ចោទប្រកាន់​តាមផ្លូវ​ច្បាប់​៕
bhghh
mkjnxdd

xdsxx

erere