ភ្នំពេញ៖ សកម្មភាពរបស់លោក អ៊ុំ សំអាន តំណាងរាស្ត្រគណបក្សសង្គ្រោះជាតិ ត្រូវបានរិះគន់ថា កំពុងប្រមាថដល់លោក បាន គីមូន អគ្គលេខាធិការ
អង្គការសហប្រជាជាតិ (UN) ដែលបានធ្វើលិខិតឆ្លើយតបជាមួយនាយក រដ្ឋមន្ត្រីកម្ពុជាថា ក្រុមការងាររបស់ UN បានខិតខំយ៉ាងខ្លាំងក្នុងការស្វែង រកផែនទីបោនខ្នាត១/១០០០០០របស់កម្ពុជា ក៏ប៉ុន្តែនៅមិនទាន់រកឃើញនៅឡើយ។នេះបើតាមលោកស្រី កុយ ពិសី អនុប្រធាន គណៈកម្មាធិការកិច្ចការចម្រុះព្រំដែនកម្ពុជា បាននិយាយនៅព្រឺកនេះ។
លោកស្រី កុយ ពិសី ថ្លែងបបែនេះបន្ចាប់ពីលោក អ៊ុំ សំអាន តំណាងរាស្ត្រគណបក្សសង្គ្រោះជាតិបានអះអាងកាលពីព្រឹកមិញថា លោកនឹងធ្វើដំណើរទៅកាន់ UN ដោយផ្ទាល់ ដើម្បីជជីកសួរអោយបានច្បាស់លាស់អំពីមូលហេតុដែល UN រកមិនឃើញផែនទីបោនរបស់កម្ពុជាមិនឃើញ ឬបាត់ពេលណា និងមូលហេតុអី ?
លោកស្រី កុយ ពិសី បន្តទៀតថា ការលើកឡើងរបស់ លោក អ៊ុំ សំអាន តំណាងរាស្ត្រគណបក្សសង្គ្រោះជាតិ ដូចជាមិនទុកចិត្តទៅលើអង្គការ សហប្រជាជាតិដែលនេះជាការប្រមាថយ៉ាងធ្ងន់ធ្ងរដល់កិត្តិយសលោក បាន គីមូន អគ្គលេខាធិការអង្គការសហប្រជាជាតិ។
គួររំលឹកថា លោក បាន គីមូន អគ្គលេខាធិការអង្គការសហប្រជាជាតិ កាលពីថ្ងៃទី៥ ខែសីហា ឆ្នាំ២០១៥ បានសរសេរលិខិត ឆ្លើយតបជាមួយលោកនាយករដ្ឋមន្ត្រី ហ៊ុន សែន ថា ក្រុមការងាររបស់លោក រកផែនទីបោន ខ្នាត១/១០០០០០ របស់កម្ពុជាមិនទាន់ឃើញនៅឡើយ ប៉ុន្តែ UN បានរកឃើញផែនទី UTM ចំនួន ១៨ផ្ទាំង ដែលបានប្រគល់មកកម្ពុជា កាលពីថ្ងៃទី២០ ខែសីហា ឆ្នាំ២០១៥ កន្លងមក៕ដោយ៖ខេមរា
លោកស្រី កុយ ពិសី និងលោក អ៊ុំ សំអាន
