ប៉េកាំង ៖ អាជ្ញាធរសុខាភិបាលជាតិរបស់ចិនបាននិយាយនៅថ្ងៃសុក្រនេះថា ប្រទេសចិនបានរាយការណ៍ករណីឆ្លងកូវីដ១៩ថ្មីចំនួន១០ ករណីទៀតកាលពីថ្ងៃព្រហស្បតិ៍ ដែលមានកើនឡើងពីមួយថ្ងៃមុន។ នេះបើយោងតាមប្រភពពី CNA។
អាជ្ញាធរបាននិយាយថា ករណីឆ្លងថ្មីខាងលើទាងអស់ត្រូវបាននាំចូលដែលជាប់ពាក់ព័ន្ធនឹងអ្នកដំណើរមកពីបរទេស។ ទីក្រុងប៉េកាំងមិនបានរាយការណ៍ពីករណីឆ្លងថ្មីណាមួយរយៈពេល១១ថ្ងៃជាប់ៗគ្នា។ ចំនួនអ្នកឆ្លងកូវីដ១៩សរុបនៅក្នុងប្រទេសចិនគឺ ៨៣.៦២២។ ចំនួនអ្នកស្លាប់នៅតែមិនផ្លាស់ប្តូរនៅ ៤.៦៣៤ នាក់។
អាជ្ញាធរបាននិយាយកាលពីថ្ងៃព្រហស្បតិ៍ថា រោងភាពយន្តចិនភាគច្រើននឹងត្រូវបានអនុញ្ញាតឱ្យបើកជាថ្មីនៅសប្តាហ៍ក្រោយជាមួយនឹងវិធានគម្លាត សង្គមបន្ទាប់ពីមានការបិទទ្វាររាប់ខែដោយសារជំងឺកូវីដ១៩។អាជ្ញាធរបន្តថា រោងកុនមិនត្រូវលក់សំបុត្រលើសពី៣០ភាគរយនៃកន្លែងអង្គុយ ហើយនឹងត្រូវអ្នកមើលភាពយន្តឱ្យឆ្ងាយពីគ្នាយ៉ាងហោចណាស់ ១ ម៉ែត្រ៕
