ខេត្តព្រៃវែងគ្រង​តំណែង​ជើងឯក ​ពាន Hun Sen Cup ថ្នាក់​ខេត្ត​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 30 July, 2020 ក+ ក-

ភ្នំពេញ ៖ ការប្រកួត​វគ្គ​ផ្ដាច់ព្រ័ត្រ​ពានរង្វាន់​សម្ដេច​តេ​ជោ ហ៊ុន សែន​(Hun Sen Cup) ថ្នាក់​ខេត្ត ឆ្នាំ​២០២០ បានបញ្ចប់​ហើយ ដោយ​ក្រុម​ជម្រើស​ខេត្តព្រៃវែង បាន​គ្រង​តំណែង​ជើងឯក បន្ទាប់ពី​យកឈ្នះ​ក្រុម​ជម្រើស​ខេត្ត​ត្បូងឃ្មុំ ដែលជា​ក្រុម​ជើងឯក​ឆ្នាំ​ចាស់ ដោយ​លទ្ធ​ផ ១-០ នៅ​ពហុ​កីឡដ្ឋាន​ជាតិ​នា​ល្ងាច​ថ្ងៃទី​២៩ ខែកក្កដា ឆ្នាំ​២០២០​។​

​សម្រាប់​ជំនួប​បិទទ្វារ​គ្មាន​អ្នកទស្សនា​ផ្ទាល់​នេះ វគ្គ​ទី​១ ក្រុម​ទាំងពីរ មិនអាច​ស៊ុត​បំប៉ោង​សំណាញ់​ទី​គ្នា​បានឡើយ​។ លុះ​ចូល​វគ្គ​ទី​២ កីឡាករ វុ​ធ តុលា បានធ្វើ​សម្រេច​គ្រាប់​បាល់​នាំមុខ ១​គ្រាប់​ឲ្យ​ខេត្តព្រៃវែង នៅ​នាទី​៤៩ ហើយក៏​ជា​គ្រាប់​បាល់​ជួយ​ឲ្យ​ខេត្តព្រៃវែង​លើក​ពាន​ផងដែរ បន្ទាប់ពី​ក្រុម​ជើងឯក​ឆ្នាំ​ចាស់​ព្យាយាម​វាយបក​យ៉ាងខ្លាំង តែ​ធ្វើ​មិនបាន​សម្រេច​។​

​ដោយឡែក​ចំណាត់ថ្នាក់​លេខ​៣ បាន​ទៅ​ក្រុម​ជម្រើស​ខេត្ត​កែប បន្ទាប់ពី​យកឈ្នះ​ក្រុម​ជម្រើស​ខេត្តសៀមរាប ដែលជា​ក្រុម​ជើងឯក​រង​ឆ្នាំ​ចាស់ ដោយ​លទ្ធផល ៣-០ ៕