ទីបំផុត ​Suzuki Cup 2020 ត្រូវ​លើក​ទៅធ្វើ​នៅ​ឆ្នាំ​២០២១​វិញ
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 31 July, 2020 ក+ ក-

បរទេស ​៖ សហព័ន្ធ​បាល់ទាត់​អាស៊ាន (AFF) បានប្រកាសថា ព្រឹត្តិការណ៍ Suzuki Cup ឆ្នាំនេះ​នឹងត្រូវ​ពន្យារពេល​ទៅ​ឆ្នាំ​២០២១ វិញ បន្ទាប់ពី​បានធ្វើការ​ពិភាក្សា​យ៉ាងច្រើន មុននឹង​ឈានដល់​ការសម្រេចចិត្ត ដោយសារ​ជំងឺ Covid-19​។​

​ដើមឡើយ​ពានរង្វាន់​ជើងឯក​ប្រចាំ​តំបន់​អាស៊ីអាគ្នេយ៍ (AFF Suzuki Cup 2020) គ្រោង​នឹង​ប្រព្រឹត្តទៅ​ចាប់ពី​ថ្ងៃទី​២៣ ខែវិច្ឆិកា ដល់​ថ្ងៃទី​៣១ ខែធ្នូ ឆ្នាំ​២០២០ ប៉ុន្តែ​ដោយបាន​មើលឃើញ​ពី​កត្តា​សុខភាព និង​សុវត្ថិភាព​របស់​កីឡាករ​គ្រូបង្វឹក ដៃគូ​អ្នកគាំទ្រ និង​សាធារណជន​មាន​អាទិភាព​ខ្ពស់បំផុត ដែល​នាំ​ឲ្យ​ឈានដល់​ការពន្យារពេល​ប្រកួត​ដល់​ឆ្នាំក្រោយ​

​គួររំលឹកថា វៀតណាម ជា​ម្ចាស់​ជើងឯក​ពាន AFF Suzuki Cup 2018 ក្រោយ​យកឈ្នះ​ម៉ាឡេស៊ី ក្នុង​លទ្ធផល ៣-២​ទាំងពីរ​ជើង​នៅ​វគ្គ​ផ្តាច់ព្រ័ត្រ​៕