ភុំ្នពេញ:លោក ស ខេង រដ្ឋមន្ត្រីក្រសួងមហាផ្ទៃកម្ពុជា ក្នុងជំនួបជាមួយរដ្ឋមន្ត្រីក្រសួងយុត្តិ ធម៌ថៃ កាលពីថ្ងៃទី ១០ ខែកញ្ញា បានស្នើឱ្យឲ្យជួយពន្លឿនការបំពេញបែបបទលើឯកសារផ្សេងៗដល់ពលករខ្មែរ ដើម្បីឲ្យពួកគេបានធ្វើការដោយស្របច្បាប់នៅក្នុងប្រទេសថៃ។
យោងតាមគេហទំព័ររបស់អគ្គស្នងការដ្ឋាននគរបាលជាតិ បានចុះផ្សាយនៅព្រឹកថ្ងៃសុក្រនេះបានឲ្យដឹងថា ពលករខ្មែដែលបានទៅធ្វើការនៅប្រទេសថៃ បានជួបផលលំបាកដូចជាការបំពេញការងារលិខិតឆ្លងដែន និងការងារទាក់ទងការស្នាក់នៅរបស់ពលករខ្មែរនៅប្រទេសថៃជាដើម។
សំណើនេះបានធ្វើឡើងនៅក្នុងជំនួបពិភាក្សាការងារមួយរវាងលោក ស ខេង និងលោក ផៃប៊ូន កុំឆាយ៉ា រដ្ឋមន្ត្រីក្រសួងយុត្តិធម៌ប្រទេសថៃ និងជាប្រធានក្រុមប្រឹក្សាត្រួតពិនិត្យគ្រឿង ញៀនថៃ កាលពីព្រឹកថ្ងៃទី១០ ខែកញ្ញា នៅទីស្តីការក្រសួងមហាផ្ទៃ។ ភាគីថៃបានយល់ព្រមទទួលយកសំណើនោះហើយសន្យាថា នឹងជួយផ្សព្វផ្សាយបន្តដល់ពលករខ្មែរនៅក្នុងប្រទេសថៃ។
គួររំលឹកថា កាលពីពាក់កណ្តាលឆ្នាំ២០១៤ ពលករខ្មែរខុសច្បាប់ត្រូវរដ្ឋាភិបាលយោធាថៃចាប់បញ្ជូនមកប្រទេសវិញ ប្រមាណ៣០០០០០នាក់។នៅដើមឆ្នាំ២០១៥ នេះ ក្រសួងការងារថៃបានបង្ហាញរបាយការណ៍ថា ពលរដ្ឋខ្មែរធ្វើការស្របច្បាប់នៅមានចំនួន៨៧០០០នាក់ និងខុសច្បាប់ជាង៨៤០០០០នាក់៕ដោយ៖បូរ៉ាស៊ី
ពលករខ្មែរដែលចេញទៅរកការងារធ្វើនៅថៃ កាលពីខែមេសា ឆ្នាំ២០១៥
