ភ្នំពេញ ៖កម្លាំងអាវុធហត្ថខណ្ឌព្រែកព្នៅបានឃាត់ខ្លួនមន្ត្រីយោធាពាក់ស័ក្តិម្នាក់ បន្ទាប់ពីផឹកស៊ីស្រវឹងហើយមានកំហឹងបាញ់បោះសេរីបង្កការភ័យខ្លាចកាលពីរសៀលថ្ងៃទី២៧ ខែកញ្ញា ឆ្នាំ២០១៥ ស្ថិតនៅចំណុចផ្លូវបេតុង ភូមិកប់ស្រូវធំ សង្កាត់គោករកា ខណ្ឌព្រែកព្នៅ ។
ជនសង្ស័យឈ្មោះ ហេង ប៊ុនឈីន អាយុ៥៤ឆ្នាំ មុខរបរយោធា ឋានៈវរសេនីយ៍ត្រីអង្គភាពបញ្ជូនសារអគ្គបញ្ជាការ។
តាមប្រភពព័ត៌មានបានឲ្យដឹងថា មុនពេលកើតហេតុ គេឃើញមន្ត្រីយោធានោះបានផឹកស៊ីជាមួយគ្នីគ្នាពី៣ទៅ៤នាក់ទៀត តាំងពីព្រឹករហូតដល់ស្រវឹងដល់ម៉ោង១៥ និង៣០នាទីស្រាប់តែមេឃធ្លា់ភ្លៀង ខណៈនោះស្រាប់មន្ត្រីយោធាបានយកអាវុធខ្លីមកបាញ់មេឃចំនួន៤គ្រាប់ ដើម្បីបង្អួតបក្សពួក។ ប្រភពបន្តថា ក្រោយពីបាញ់ភ្លាមៗគេឃើញកំលាំងអាវុធហត្ថខណ្ឌដែលចុះកំពុងល្បាតបានមកដល់ និងសួរនាំហើយត្រូវជននេះឆ្លើយថា គាត់បាញ់លេងសោះមានអីត្រូវខុស។យោធារូបនេះបន្តថា ជានិច្ចជាកាលឲ្យតែគាត់ស្រវឹងគាត់បាញ់លេងតែអញ្ចឹង មិនដែលមានបញ្ហាអីទេ។
ប្រភពបញ្ជាក់ថា តាមចម្លើយដែលមិនទទួលខុសត្រូវបែបនេះ ត្រូវកម្លាំងអាវុធហត្ថ សុំបញ្ជាពីលោកឧត្តមសេនីយ៍មេបញ្ជាការរាជធានីភ្នំពេញ ហើយសម្រេចឃាត់ខ្លួនតែម្តង ដោយដកហូតអាវុធខ្លដើមម៉ាក K45 លេខ5121 បង់១, គ្រាប់៤គ្រាប់ អត្តសញ្ញណបណ្ណ័យោធា១សន្លឹក និងលិខិតបញ្ជាបេសកម្ម១សន្លឹក ផុតកំណត់ថ្ងែទី២៦ ខែកញ្ញា ឆ្នាំ២០១៥។
បច្ចុប្បន្នជនខាងលើបញ្ជូនទៅការិយាលយ័ស្រាវជ្រាវបទល្មើសព្រហ្មទណ្ឌក្រុងភ្នំពេញ៕ បញ្ញា
