ប៉ូលិសបញ្ជូនជនអន្តោប្រវេសន៍ខុស ច្បាប់៤០នាក់ចេញពីកម្ពុជា
ភ្នំពេញ៖ អគ្គនាយកដ្ឋានអន្តោរប្រវេសន៍ បានបញ្ជូនអន្តោរប្រវេសន៍ខុសច្បាប់ជនជាតិវៀតណាមចំនួន៤០នាក់ ក្នុងនោះមានស្រី៥នាក់ និងជនជាតិម៉ូរ៉ុកូម្នាក់ អោយទៅមាតុប្រទេសវិញកាលពីវេលាម៉ោង ៩ និង ៣០នាទីព្រឹកថ្ងៃទី១ ខែតុលា ឆ្នាំ២០១៥ តាមច្រកព្រំដែនអន្តរជាតិបាវិត។
តាមសម្តីលោកឧត្តមសេនីយ៍ទោ អ៊ុក ហៃសិលា ប្រធានអគ្គនាយកដ្ឋានអន្តោរប្រវេសន៍បានប្រាប់អោយដឹងថា ជនអន្តោប្រវេសន៍ខាងលើត្រូវបាននាំខ្លួនចេញពីរាជធានីភ្នំពេញ ខេត្តសៀមរាប និងខេត្តកំពង់ធំ ។
ថ្លែងទៅកាន់ជនអន្តោប្រវេសន៍ខាងលើ លោក បានប្រាប់ ថា ហាមឆ្លងដែនមកខុសច្បាប់ទៀត ប៉ុន្តែបើពួកគាត់មានបំណងមកលេងបងប្អូននៅត្រូវមានលិខិតឆ្លដែនត្រឹមត្រវ មិនអាចគេចវេសលួចជ្រកកោនខុសច្បាប់នោះទេ៕ សួង សាម
