ភ្នំពេញ : ការបាត់មុខពីរង្វង់សិល្បៈរបស់តារាសម្ដែងសម្ញែងដើមទ្រូង សេង សូណា ត្រូវបានគេគិតថា ទំនងជានាងលួចសំងំអនុវត្តន៍កុងត្រាថតរឿងសិចឲ្យផលិតកម្មបរទេសមួយនៅឯក្រៅប្រទេស ប៉ុន្តែនាងបដិសេធថា ជាការសំងំរក្សាគភ៌ក្រោយពេលនាងបានបញ្ចូលមេជីវិតនៅប្រទេសថៃ។
ការសន្និដ្ឋានមិនប្រាកដប្រជាបែបនេះ ដោយសារនាពេលកន្លងមកនាងធ្លាប់ប្រកាសថា នាងចង់ថតរឿងសិចឲ្យមហាជនបានឃើញ ក្នុងពេលដែលនាងកំពុងរងការវាយប្រហារយ៉ាងខ្លាំងពីទស្សនិកជន ជុំវិញការស្លៀកពាក់យ៉ាងសិចស៊ីបញ្ចេញដើមទ្រូងស្ទើរតែចេញចុងសុដន់នោះ។
តារា សេង សូណា ក្រោយពេលទទួលដំណឹងនេះភ្លាម បានបដិសេធថា នាងមិនបានទៅថតរឿងសិចនោះទេ ទោះបីជាកន្លងមកនាងធ្លាប់បានទទួលពិភាក្សាកុងត្រាជាមួយផលិតកម្មបរទេសមួយមែន ប៉ុន្ដែមិនមែនដើម្បីថតរឿងសិចឡើយ។ នាងមិនបានប្រព្រឹត្ដដូចអ្វីដែលគេបានលើកឡើងទេ ថ្វីត្បិតតែនាងជាតារាសម្ដែងដែលនិយមថតបែបសិចស៊ីក៏ដោយ តែនាងក៏នៅមានភាពអៀនខ្មាសក្នុងនាមជាស្ដ្រីខ្មែរដែរ ដូច្នេះនាងមិនអាចទៅរួចទេ។
នាង សេង សូណា បន្ដថា ប្រសិនបើសម្រេចថតរឿងសិចមែននោះ ក៏នាងមិនប្រកែកដែរ ហើយហ៊ានប្រឈមមុខជាមួយមហាជន ព្រោះ « ខ្ញុំហ៊ានធ្វើគឺខ្ញុំហ៊ានទទួលខុសត្រូវ»។ នាងបញ្ជាក់ថា «ការបាត់ខ្លួនរបស់នាងខ្ញុំមួយរយះកន្លងមកនេះ ដោយសារតែខ្ញុំនៅសំងំថែរក្សាគភ៌ក្នុងផ្ទៃដែលខ្ញុំបានទៅចាក់មេជីវិតនៅប្រទេសថៃ។
ទោះបីជានាង បានអះអាងបែបនេះក្តី ក៏ទស្សនិកជននៅតែគិតដោយមន្ទិលសង្ស័យថា ប្រហែលជានាងមានគភ៌ជាមួយនឹងបុរសដ៏សង្ហាណាម្នាក់ដែលមានភ័ព្វសំណាងបានរូបនាងជាគូស្នេហ៍ ព្រោះរហូតមកដល់ពេលនេះ គេមិនទាន់ឃើញមាននារីខ្មែរណាម្នាក់ក្លាហានប្រើវិធីដូចការលើកឡើងរបស់នាង សេង សូណា ដើម្បីមានគភ៌នោះឡើយ។
គេនៅចាំបានថា កន្លងមក តារាចម្រៀង និងសម្តែងដ៏ប្រជាប្រិយម្នាក់គឺអ្នកនាង ខាត់ សុឃីម ក៏ធ្លាប់លើកឡើងជាសារណៈពីការចាក់បញ្ចូលមេជីវិតដើម្បីមានគភ៌ដែរ ដោយសារខណះនោះគេឃើញអ្នកនាង ខាត់ សុឃីម មានគភ៌ហើយមិនបង្ហាញអត្តសញ្ញាណស្វាមី លុះក្រោយមកទើបគេដឹងថា ឪពុករបស់កូនអ្នកនាង ខាត់ សុឃីម គឺលោក ចា រិទ្ធី ៕ដោយ៖ រដ្ឋា
