ផ្តន្ទាទោសអ្នកបើកឡានដឹកដីបុកទីនាំងសម្តេចក្រុមព្រះ សង៤០០លានរៀល និងជាប់ពន្ធនាគារ៣ឆ្នាំ
ខេត្តកំពង់ចាម៖ តុលាការខេត្តកំពង់ចាម នៅថ្ងៃទី២០ខែតុលា បានប្រកាសសាលក្រមសម្រេចផ្តន្ទាទោស អ្នកបើកបររថយន្តដឹកដីម្នាក់ឈ្មោះ ឈឿន វ៉ុន ដាក់ពន្ធនាគារចំនួន៣ឆ្នាំ និងសំណងរដ្ឋប្បវេណីចំនួន ៤០០លានរៀល ពីបទចោទប្រកាន់ក្នុងសំណុំរឿងបង្កគ្រោះថ្នាក់ចរាចរណ៍កាលពីខែ មេសា ឆ្នាំ២០១៥។
គួរបញ្ជាក់ថា កាលពីថ្ងៃទី២៥ ខែមេសា ឆ្នាំ២០១៥ មានរថយន្តដឹកដីមួយគ្រឿង បានបើកបុកក្បួនទីនាំងរបស់សម្តេចក្រុមព្រះ នរោត្តម រណឫទ្ធិ នៅលើផ្លូវជាតិលេខ៧ ស្ថិតក្នុងភូមិខ្វិតធំ ស្រុកព្រៃឈរ ខេត្តកំពង់ចាម បណ្តាលឱ្យរបួសធ្ងន់ស្រាល ៦នាក់ ក្នុងនោះអ្នកម្នាង អ៊ុក ផល្លា បានរងរបួសធ្ងន់ធ្ងរដែលត្រូបញ្ជូនទៅព្យាបាលនៅប្រទេសថៃទៀតផង៕ដោយះរដ្ឋា
