ប្រេស៊ីល៖មន្ត្រីនៅភាគអាគ្នេយ៍រដ្ឋ Minas Gerais បាននិយាយថា មនុស្ស១៧នាក់បានស្លាប់ហើយជាច្រើននាក់ទៀតកំពុងបាត់ខ្លួន ក្នុងហេតុការណ៍ផ្ទុះបាក់ទំបន់ក្រុមហ៊ុនរ៉ែដែកមួយក្នុងប្រទេសប្រេស៊ីល។
អាជ្ញាធរក្នុងតំបន់ Mariana បាននិយាយឲ្យដឹងកាលពីថ្ងៃព្រហស្បតិ៍នេះថា ការបាក់ទនប់រ៉ែដែកបណ្តាលឲ្យមានដីភក់ និងកំទេចកំទីជាច្រើនហូរចូលទៅក្នុង ទីប្រជុំជនតូចមួយនៅតំបន់ Bento ដែលមានចំងាយប្រមាណ៧ គីឡូម៉ែត្រ។
លោកស្រី Julia Dias Carneiro បាននិយាយប្រាប់សារព័ត៌មាន BBC ថាតំបន់ដែលរងផលប៉ះពាល់គឺមានផ្ទះចំនួនប្រហែល៥០០ខ្នង។ ទន្ទឹមនោះប្រតិបត្ដិការក្រុមជួយសង្គ្រោះនេះត្រូវបានរំខានដោយ ការបាក់ដីបន្តទៀត ប៉ុន្តែឧទ្ធម្ភាគចក្របានដឹកយកជាអ្នករងគ្រោះជាច្រើនរកកន្លែងសុវត្ថិភាព។
គួរបញ្ជាក់ដែលថា អ្នកនាំពាក្យរបស់ក្រុមហ៊ុនរុករករ៉ែ Samarco ដែលជាម្ចាស់ទំនប់រ៉ែដែកនេះបាននិយាយថាមិនទាន់ដឹងពីមូលហេតុនៃ ការបាក់ទំនប់វារីអគ្គិសនីនេះនៅឡើយទេ៕
