យន្តហោះចម្បាំងបារាំង១០គ្រឿងចេញប្រតិបត្តិការទៅស៊ីរី
ប៉ារីស៖យន្តហោះចម្បាំងចំនួន១០គ្រឿងរបស់កងទ័ពអាកាសបារាំងបានចេញប្រតិបត្តិការទៅទម្លាក់គ្រាប់បែកនៅតំបន់ Raqqa ប្រទេសស៊ីរី ដើម្បីកម្ទេចក្រុម ISIS។ នេះបើតាមក្រសួងការពារជាតិបារាំងបានឲ្យដឹងនៅថ្ងៃទី១៦ខែវិច្ឆិកាឆ្នាំ២០១៥ នេះ។
ប្រភពដដែលបញ្ជាក់ថា គោលដៅនៃប្រតិបត្តិការលើនេះមានបន្ទាយធំ បន្ទាយហ្វឹកហាត់ និងឃ្លាំងផ្ទុកសម្ភារ ហើយក៏ជាការសងសឹងទៅក្រុម ISIS ដែលបានបាញ់ និងបំផ្ទុះគ្រាប់បែកនៅកណ្ដាលក្រុងប៉ារីស ស្លាប់មនុស្ស១៣២នាក់ និងជាច្រើននាក់ផ្សេងទៀតរងរបួសកាលពីយប់ថ្ងៃសុក្រ៕
