សមត្ថកិច្ចបារាំងបង្ហាញអត្តសញ្ញាណជនសង្ស័យថ្មីពាក់ព័ន្ធការវាយប្រហារនៅប៉ារីស
ប៉ារីស៖ប៉ូលិសបារាំងបង្ហាញអត្តសញ្ញាណជនសង្ស័យថ្មីមួយទៀតដែលនៅមានជីវិត និងកំពុងរត់គេចខ្លួន ខណដែលជនសង្ស័យម្នាក់នេះបានជាប់ពាក់ព័ន្ធនឹងករណីការវាយប្រហារកណ្ដាល ទីក្រុងប៉ារីសកាលពីថ្ងៃសុក្រកន្លងទៅនេះ ដែលបណ្ដាលឲ្យស្លាប់មនុស្ស ១៣២នាក់ ។ បុរសដែលជាជនសង្ស័យនោះ មានឈ្មោះថា Salah Abdeslam អាយុ ២៦ឆ្នាំ ត្រូវបានប៉ូលិសបញ្ជាក់ថា ជាបុគ្គលិកដែលមាន «គ្រោះថ្នាក់» ដូច្នេះសូមពលរដ្ឋទាំងអស់ មានការប្រុងប្រយ័ត្ន ហើយបើសិនជាឃើញ សូមរាយការណ៍ជាបន្ទាន់៕
