កម្លាំងបញ្ជាការឯកភាពស្រុកចុះទៅបង្ក្រាបបទល្មើសព្រៃឈើនៅ ភូមិម្លូព្រៃ.ឃុំម្លូព្រៃ.ស្រុកឆែប.ខេត្តព្រះវិហារ!
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 3 April, 2025 ក+ ក-

(ខេត្តព្រះវិហារ)៖ អភិបាលស្រុកឆែប លោក ឃិត សុធារ៉ា នាពេលថ្មីៗនេះបានដាក់ចេញនូវបទបញ្ជាយ៉ាងម៉ឺងម៉ាត់ទៅដល់គណៈបញ្ជាការឯកភាពស្រុក ក្រោមកិច្ចដឹកនាំរបស់ ប្រធានការិយាល័យកសិកម្មធនធានធម្មជាតិ លោក លីង ស៊ីមឡូត ដោយបានសហការជាមួយមន្ត្រីបរិស្ថាន និងមន្ត្រី រដ្ឋបាលព្រៃឈើជាច្រើនរូបបានចុះប្រតិបត្តិការបង្ក្រាបកន្លែងស្តុកគំនរឈើផ្ចឹកមួយកន្លែងដែលពុំមានលិខិតអនុញ្ញាត ស្ថិតនៅចំណុច ភូមិម្លូព្រៃឃុំ ម្លូព្រៃ ស្រុកឆែប ខេត្តព្រះវិហារ។

នៅក្នុងកិច្ចសហប្រតិបត្តិការចុះបង្ក្រាបបទល្មើសព្រៃឈើនេះ កម្លាំងគណៈបញ្ជា ការឯកភាពស្រុកឆែបបានធ្វើការដកហូតយកបានឈើអារចំនួន ៩៣ សន្លឹកស្មើនឹងជាងពីរម៉ែត្រគីប។

លោក លីង ស៊ីមឡូត ប្រធានការិយាល័យកសិកម្មធនធានធម្មជាតិបានបញ្ជាក់ប្រាប់ថាក្រោយកិច្ចប្រតិបត្តិការចុះទៅបង្ក្រាបគំនរឈើផ្ចឹកអត់ច្បាប់នោះរួចមក។ បច្ចុប្បន្នវត្ថុតាងត្រូវបានដឹកជញ្ជូនយកទៅប្រគល់ជូនលោក គង់ ប៊ុនហួន នាយរងផ្នែករដ្ឋបាលព្រៃឈើឆែបដើម្បីរក្សាទុកបណ្ដោះអាសន្នរង់ចាំការសម្រេចពីសមត្ថកិច្ចថ្នាក់លើ,ចំណែកឯម្ចាស់ឈើកម្លាំងគណៈបញ្ជាការឯកភាពស្រុកកំពុងតែតាមរកដើម្បីយកមកដោះស្រាយគ្នាទៅតាមនីតិវិធី ៕
https://youtu.be/m2nDJTO9PQE